Lere Sei Investiga Kauza Asidente Ainaro

DILI, STLNEWS.co – Xefe Estadu Maior Jeneral FALINTIL – FDTL, Tenente Jeneral Lere Anan Timur hatete, sira sei halo investigasaun ba kazu asidente neebe akontese iha Munisipiu Ainaro, hodi halakon membru feto Juliana da Conceiçao nia vida.

“Em primeiru lugar lori instituisaun Falintil Forsa Defeza Timor-Leste (F-FDTL), hato’o sentidu kondolensia ba familia matebian, asidente neebe akontese horiseik kauza ita nia feto maluk ida mak lakon vida, hanesan mos nia kamarada sira seluk hetan kanek kama’an no todan, hanoin katak ida nee prosesu ida neebe sei investiga kauza asidente nee nian, tama iha neglijensia kondutor nian ka ou kareta mak laiha kondisaun diak ka oinsa, ami sei buka hatene,” dehan Tenente Jeneral Lere ba  jornalista, iha Fatuhada, Dili, Kuarta,(25/08/2021).

Nia hatutan, konaba funebre matebian konforme nia komando informa mai, dehan katak kalan ida hamutuk ho nia familia i depois kalan ida hamutuk ho nia komponente neebe nia halao servisu ba, no ikus liu mak sei ba haloot mate isin iha semiteriu dos militares iha Metinaro.

Tenente Jeneral nee dehan, segunda faze TOUR FALINTIL dalan ba dame, kualker iha operasaun sempre iha nia risku, tanba nee Membru F-FDTL neebe mak mate ona ida nee lasignifika katak atu hapara operasaun, maibe kontinua halao nafatin.

Lere konta, hanoin katak lakon boot ida tan ba instituisaun, tanba kamaradas militar nee mos tuir formasaun barak neebe estadu investe, maibe ida nee destinu no dezastre neebe la espera ema ida.

Antes nee Komandante Polisia Nasional Timor Leste (PNTL) Munisipiu Ainaro, Inspektor Xefe Flavio dos Santos Neves hatete, mosu akontesimentu insidente ida neebe mak akontese kareta militar nian, baku fila iha Suku Nunumoge, Munisipiu Ainaro rejulta militar feto ida ho naran Juliana da Conceição hakotu iis iha hospital Munisipiu Ainaro, bainhira atu halo viajen ba Covalima hodi halao aktividades TOUR ba loron FALINTIL nian.

Tuir kronolojia neebe mak Komandante PNTL Munisipiu Ainaro Inspektor Xefe Flavio dos Santos Neves esplika, iha Tersa maizumenus iha oras 16:20 OTL, akontese insidente kareta baku fila, neebe mak kondus husi forsa sira, kompostu husi ema nain 6, mane nain 5, no feto 1.

“Diresaun husi Dili atu ba iha Munisipiu Covalima ho objetivu atu destaka iha neeba hodi hein atividades TOUR nian neebe mak komemora loron FALINTIL nian hodi haleu Timor nee, tanba nee mak kareta nee baku fila rezulta vitima feto ida lori mai mate iha hospital Ainaro,”

Nia hatete, tuir informasaun neebe sira hetan, sira desloka husi Dili ba Munisipiu Covalima. No dadauk nee vitima sira depois asidente polisia Munisipiu Ainaro too kedas iha fatin akontesementu, hodi halo kedas kontaktu ho ekuipa ambulansia hodi halo kedas evakuasaun ba vitima sira mai iha hospital Munisipiu Ainaro.

“Vitima nain 5 kanek balun iha liman, ain, rentos no militar feto ida maka grave hodi hakotu iis iha hospital Ainaro,” dehan nia.

Nia hatutan, vitima mate nee husi Munisipiu Ainaro, Postu Admnistrativu Hato-Udu, ho naran kompletu Juliana da Conceiçao nia hanesan Postu soldado.

Reportajen: Santina Castro/Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: