Lere Seidauk Hatene PLP – FRETILIN Kandidata Nia Ba PR

DILI, STLNEWS.co – Xefe Estadu Maior Jeneral F-FDTL, Tenente Jeneral, Lere Anan Timur seidauk hatene PLP ho FRETILIN, atu kandidatu nia ba Prezidente Republika, iha eleisaun Prezidensial tinan 2022.

Tenente Jeneral Lere hatoo kestaun nee ba jornalista, bainhira remata hasoru malu ho Prezidente Republika, Francisco Guterres Lú Olo iha Palasiu Prezidensial Nicolau Lobato, Dili, Kuarta (02/06/2021).

“Hau seidauk hatene, ema ida mai hasoru hau mos lakoalia, polítika sira mak koalia iha neeba, mas hau nia hanoin seidauk too iha neeba,” hatete Tenente Jeneral lere.

Nia hatutan atu sai Prezidente, ka atu sai soldadu ka hotu hotu ninia dever obrigasaun mak serbí estadu, ba sira nain hira nee hatudu ona 24 anos.

“Se 24 anos ami aseita ami nia mate nusa mak agora atu halo kontinuidade ba objetivu ami nia funu nee ami labele, agora jestaun mak ida nee sai Prezidente ka sai Primeiru Ministru, kestaun ke tenke hamutuk hau Prezidente mos ema iha liur neeba nee tiru hau nafatin mos nee problema boot,” tenik nia.

Jeneral fitun tolu nee afirma, karik atu kandidatu ba Prezidente laos nia mak kandidatu an, maibe partidu sira mak kandidatu nia tanba nia iha relasaun diak ho partidu politiku sira.

“Hau sei kandidatu karik laos hau mak sai kandidatu an, partidu sira hau bele dehan katak, partidu hotu hotu iha Timor nee kandidata hau tantu PLP, FRETILIN no KHUNTO sira bele kandidatu hau, purke hau iha relasaun diak ho sira,” hatete nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: