DILI, STLNEWS.co – Orgaun Ezekutivu Liga Futebol Timor Leste (LFTL), preparadu ona hodi realiza kompetisaun ba epoka tinan 2022, maibe too agora klubu sira seidauk rejistu jogador, tantu jogador lokal no internasional.
Kestaun nee hatoo husi Diretor Relasaun Publiku LFTL, Diego Neto Fraga ba jornalista sira liu husi konferensia imprensa iha edifísiu LFTL, Dili, Tersa nee (12/04/2022).
“Ogaun liga preparadu atu halao kompetisaun epoka tinan 2022 nee, kalendariu mos ami prepara, maibe too ohin loron klubu sira seidauk mai rejistu naran jogador sira atu tuir kompetisaun iha epoka tinan nee,” tenik nia.
Nia dehan, klubu sira iha preokupasaun barak, maibe orgaun liga ho FFTL mos la tuur nonok, sempre koopera ba malu hodi halao kompetisaun epoka tinan nee.
Nia afirma, orgaun liga preparadu no iha fulan kotuk halo ona reuniaun atu implementa regra ba kompetisaun époka tinan ne’e to’o tinan 2024.
Kontinua ba pajina 2
