LFTL Sei Realiza Jogu Apuramentu iha 11 Marsu

Orgaun Ezekutivu Liga Futebol Timor Leste (LFTL), sei realiza jogu apuramentu iha loron 11 fulan Marsu 2021, hodi promove klube rua husi segundu divizaun ba primeira divizaun para kompleta klube 10. (Foto: STL/Maria Tavares)

DILI, STLNEWS.co – Orgaun Ezekutivu Liga Futebol Timor Leste (LFTL), sei realiza jogu apuramentu iha loron 11 fulan Marsu 2021, hodi promove klube rua husi segundu divizaun ba primeira divizaun para kompleta klube 10.

Lia hirak nee hato husi Diretor Relasoens Publika LFTL, Diogo Fraga, ba jornalista sira liu husi konferensia imprensa iha Sede LFTL, Formoza, Dili Segunda (15/02/2021).

Diogo informa iha tempu badak sei realiza liga, nia kompetensia absoluta mak organiza kompetisaun, tanba tenke foo sai ba klube sira katak, liga preve dadauk ona kalendariu hanesan tempu antes anunsia maibe tanba difikuldade neebe hotu hotu infrenta, liu liu ba iha pandemia Covid.

“Neebe ita iha biban ida nee fo hatene ba iha klube sira katak, jogu apuramentu neebe mak liga sempre fo sai katak, sei realiza iha dia 11 de Marsu 2021 nee, kalendariu neebe mak previstu husi liga nian.” tenik nia.

Nia mos hatete, depois ba iha primeira divizaun liga komprimitidu tiha ona katak sei realiza jogu abertura,iha dia 7 de Abril 2021, nunee mos ba iha segunda divizaun sei halao jogu abertura iha 21 de Abril 2021, ho nunee ba iha anunsiu primeiru neebe ba jogu apuramentu, nee nesesidade neebe mak emidiatu mak fo sai ba publiku katak kompetisaun nee tenke lao hotu hotu kompremitidu katak futebol nee tenke lao, neebe liga nia komprimisiu mak nee, liga nia kompetensia atu realiza kompetisaun iha tempu badak.

Nia esplika, fundador liga rasik iha kongresu hateten katak, muda husi ambiente kreatividade amadora ba iha profesional entaun tenke aumenta tan klubu rua, atu nuune hasae nivel amadora nee ba iha semi profesional ho profesional, tamba antes klubu 8 deit iha primeiru divizaun iha duni kongresu no konferensia deside katak, tenke halo jogu apuramentu para atu kompleta primeira divizaun nee ou total klubu sanulu (10), nee komprimisiu nia maibe laos liga nian, maibe liga somente halao mandatu neebe kongresu fo.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here