Lia Nain Halo Ritual Agradesementu

DILI, STLNEWS.co – Lia nain Tasi Tolu hamutuk ho lider nasional Kay Rala Xanana Gusmão, José Ramos Horta ho ekipa tomak halo serimonia ritual iha Fatu Bolu, Aileu hanesan serimonia agradesementu ba supa bee iha lagoa Tasi Tolu, no rehabilitasaun estrada Masilidun.

Liu husi dadolin, lia nain Abilio Tasi Raden hateten, serimonia ida nee importante tebes, tanba akontese kalamidade iha loron 4 fulan Abril, komunidade iha Tasi Tolu tomak sofre ba inundasaun, tanba nee lider nasional Kay Rala Xanana Gusmão tun, hodi mai halo abertura kultural iha fatin nee, hotu tiha mak foin hahu supa bee iha lagoa, no haree ba progresu bee normal fali ona, tan nee maka halo seremonia ritual agradesementu.

“Durante fulan rua nia laran, governu ida la tun hodi haree povu nia halerik, so Avo Nana deit maka tun hodi dada sai povu husi tahu dodok, tanba nee ohin ita mai halo seremonia kultural ida nee hanesan agradesimentu no insere ba supa bee iha lagoa,” dehan lia nain AbilioTasi Rade iha Fatin Kultura Tasi Tolu, Sabadu (05/06/2021).

Nia afirma liu tan, serimonia ritual ida nee importante tebes, no agradese tanba durante fulan rua nia laran, progresu supa bee iha lagoa Tasi Tolu lao diak tebes.

Tuir observasaun STL iha terrenu haree katak, bainhira sae iha fatuk banku, simu atraksaun kultural husi lia nain sira, ho hananu dadoli, no lok mos boa malus tuir kultura Timor Leste nian.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: