Lia Nain Motael Kestiona Prosesu Harii Meza PN

Lia nain Motael (Munisipiu Dili) kestiona prosesu harii meja Parlamentu Nasional, tanba laiha karta rekonesementu husi Sekretariu Estadu Arte no Kultura. (Photo: STL News/Domingas Soares)

DILI, STLNEWS.co – Lia nain Motael (Munisipiu Dili) kestiona prosesu harii meza Parlamentu Nasional, tanba laiha karta rekonesementu husi Sekretariu Estadu Arte no Kultura.

Kestaun nee hatoo husi lia nain Karketu Motael Pio de Ataide, ba jornalista sira iha PN, Dili, Segunda (07/09/2020).

Nia dehan, hanesan lia nain Karketu Motael sente soke boot ho saida maka halo iha PN depois, krize neebe akonteste laos krize ekonomiku maibe krize politika.

Tanba nee bainhira atu harii ka halo buat ruma loos, tenke halo loos uluk lai iha Parlamentu Nasional.

“Ita hotu haree deputadu sira ladun diak ba malu, hanesan lia nain iha Munisipiu Dili nomos uma nain iha fatin ida nee, ami la hetan konvite husi Sekretariu Estadu Arte no Kultura,” dehan nia.

Nia hatutan, ema neebe iha Dili durante nee huu ahi iha Dili nia maka lidera, tanba serimonia ritual kona ba kultura Timor iha Munisipiu Dili maka karketu Motael.

Maibe la involve sira iha hatur meza Parlamentu Nasional karik, iha nasional kada munisipiu ida mai ho nia identidade rasik laos runguranga hanesan saida maka agora halo nee.

“Parlamentu Nasional laos Sekretaru Estadu Arte no kultura nia uma, maibe nee uma fukun povu nian, hanesan lia nain Dili ami la simu,” tenik nia.

Reportajen: Domingas Soares
Editora: Carme Ximenes

LEAVE A REPLY

Please enter your comment!
Please enter your name here