Lia Nain TL Simu Sertifikadu Apresiasaun

DILI, STLNEWS.co Sekretaria Estadu Arte Kultura (SEAK) ofisialmente entrega sertifikadu apresiasaun ba lia nain Timor Leste, tanba durante estadu hasoru situasaun Covid-19, lia nain sira halo serimonia ritual hodi satan netik, no sira mos fo apoiu ba prosesu dezenvolvimentu nasional.

Tuir Diretor Jeral SEAK Manuel Ximenes katak, konaba sertifikasaun lia nain sira iha Timor Leste nee, orientasaun husi Primeiru Ministru mai iha SEAK, katak hahu agora komesa halo identifikasaun ba lia nain sira iha teritoriu nasional.

“Ita hatene katak, durante estadu hasoru situasaun ba iha Covid-19 partisipasaun husi lia nain sira, tanba sira, serimonia ritual hodi satan netik Covid-19 nee mos makaas, laos ida nee deit, maibe buat barak mak lia nain Timor Leste fo apoiu ba iha prosesu dezenvolvimentu nasional, entaun ho ida nee mak politika ita nia exelensia primeiru ministru hato’o tiha ona SEAK, atu halo identifikasaun ba iha lia nain sira iha teritoriu  tomak, atu bele hetan sertifikadu husi Primeiru Ministru,” tenik diretor nee ba jornalista sira iha edifisiu SEAK, Kuarta nee (13/10/2021).

Nia dehan, ohin inisiu simbolikamente ho kordenador lia nain Timor Leste, no neste momentu sei halo identifikasaun, hein katak, tempu badak bele atribui sertifikadu ba iha lia nain sira.

Iha fatin hanesan, Koordenador Lia Nain Timor Leste, Eugenio Sarmento   agradese tebes, tanba pela primeira vez ohin ofisialmente governu liu husi SEAK, tau ona kestaun sira hanesan nee no valoriza liu husi sertifikadu neebe mak foin simu.*

Reportajen: Maria Tavares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...