Lider Tenki Hatudu Ezemplu Diak Ba Povu

DILI, STLNEWS.co – Lider rezisténsia tantu jerasaun foun presiza hatudu ezemplu diak ba povu Republika Demokratika Timor Leste (RDTL), tenki hatudu prestasaun kualidade hanesan ema lider profisional, tanba povu presiza lider neebe iha integridade, onestidade no inkluzividade.

“ita nia lider rezisténsia tantu jerasaun foun ita mesak povu, no profisaun neebe asumi nee delega husi povu, tanba nee tenki dignifika asaun hotu-hotu tuir interese povu nian. Hanesan lider ida, iha nia prestasaun profisionalizmu rasik, servisu tuir lei no konstituisaun haruka, tanba laiha ema individu ida mak boot liu lei.” dehan akademiku Universidade Dili (UNDIL), dekanu Fakuldade Direitu, Alarico Mendonsa Tilman ba STL iha Kintal Boot, Segunda (18/12/2023).

Nia hatete, relasiona ho hahalok lider rezisténsia ka lider jerasaun foun sira halo, mai ho objetivu ida deit, mak oinsa bele fo bem estar ba povu, hadia povu nia moris atu sai mudansa neebe sobre vivente, maibe dala barak mos iha odiu no vingansa, entaun programa neebe tuir planu sai namlaek no lao la loos.

Estabelesimentu ba programa hirak neebe mak iha, liu-liu estadu no governu Timor Leste hakarak atu halo mudansa ruma, liu-liu halo investimentu ba setor baziku sira atu bele sai hanesan reseitas iha nasaun laran, maibe dala barak mos hamosu konfuzaun, tanba interese lider ba partidu masimu liu duke interese komun ba povu, entaun susar ba povu atu hetan mudansa ruma durante periodu tinan 5.

“Ita nia lider rezistensia sira tuir lo-loos hatudu ezemplu neebe diak ba jerasaun foun sira atu ukun ho prinsipiu komun, ukun ho prinsipiu ida ba bem estar povu, maibe realidade neebe ita akompanha halo povu sai autor ba vitima iha politiku partidu no grupu nian, signifika se mak hatene servisu nia ma han, nee la diak, tanba povu kbiit laek barak mak presiza governu nia forsa no tulun,” nia subliña.

Kontinua ba pajina 2

LEAVE A REPLY

Please enter your comment!
Please enter your name here