DILI, STLNEWS.co – Komandante Polisia Nasional Timor Leste (PNTL) Eskuadra Dom Aleixo, Alex da Costa “Samurai”, husu lider arte marsiais atu labele hanorin deit doutrina organizasaun nian, maibe hanorin mos doutrina nasionalizmu ba membru sira.
“Hanesan joven ida tenki hatene rekonhese Estadu Demokratika Timor Leste nian, ita nia nasaun nee ukun aan tanba saida? Atu nunee membru sira mos hatene istoria konaba ezistensia Timor Leste nian, nunee sira labele buka baku malu deit, maibe oinsa kria estabilidade iha nasaun nee,” dehan Komandante PNTL Eskuadra Dom Aleixo, Alex da Costa “Samurai” ba jornalista sira hafoin mobiliza arte marsiais halo limpeza konjunta iha Munisípiu Dili, Sabadu nee (06/08/2022)
Nia hatutan, objetivu husi mobiliza Grupu Arte Marsiais (GAM) inklui arte ritual atu halo limpeza hamutuk, nee atu kria amizade entre arte marsiais sira.
(alb)
