Ligasaun Ilegal Barak, EDTL,EP Planu Hola Tan Kontador Rihun 85

DILI, STLNEWS.co – Relasiona ho estok kontador neebe dadaun nee hotu, nunee obriga komunidade balun tenki dada lina eletridade ilegal, tanba nee iha tinan nee Eletrisidade Timor Leste Empreza Publika (EDTL,EP) planu ona atu sosa tan kontador hamutuk rihun 85 hodi responde ba problema hirak nee.

Tuir Prezidente Eletrisidade Timor Leste Empreza Publika (EDTL,EP), Paulo da Silva katak durante situasaun estadu emerjensia neebe iha, EDTL,EP labele halo kontrolu ba kliente sira, ho mudansa neebe iha tempu badak sei hahu fali.

“Ita paradu tia halo kontrola ba kliente sira tanba situasaun Covid-19 no serka sanitaria, maibe ho mudansa situasaun ida agora ita hanoin ona atu reativa fali ekipa, nunee tun ba terenu hodi halo kontrolu ba kliente sira,” dehan Paulo da Silva wainhira akompania Ministru Obras Publikas (MOP), remata enkontru ho PM Taur iha rezidensia Xefe Governu Farol, Sesta (18/06/2021).

Nia dehan, durante nee EDTL,EP hasoru problema tanba seidauk iha kontador uza hodi ba monta iha kliente sira neebe seidauk uza kontador, tanba nee ho situasaun sira nee obriga komunidade balun tenki halo ligasaun ilegal.

“Tanba nee ita planu ona atu hola kontadores hamutuk rihun 85, no dadaun nee prosesu tenderizasaun prepara ona iha tempu badak sei lansa, no wainhira kontador nee iha ona monta hotu ita sei hahu halo kontrola ba ligasaun ilegal,” tenik nia.

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: