Lina Koordenasaun Serbisu Membru Governu Runga Ranga

DILI, STLNEWS.co – Observasaun Akademista Universidade Dili (UNDIL), atual Vice Reitor III Hugo Lourenco da Costa hateten, durante nee lina koordenasaun serbisu membru governu lao runga ranga.

Tanba nee relasiona ho deklarasaun neebe mak Primeriu Ministru (PM) Taur Matan Ruak hatete, sidadaun neebe simu vasina dala rua ona bele halo movimentu livre iha teritoriu laran importante hatudu provas hanesan kartaun vasina, maibe iha sorin seluk Ministra Saude deklara, sidadaun neebe simu ona vasina dala rua sai husi Dili tenki swab.

Haree ba kestaun nee hatoo husi Akademista Universidade Dili (UNDIL) Vice Reitor III Hugo Lourenco da Costa hatete, kona ba asuntu nee iha duni problema mais komunikasaun, membrus governu sira la komprende saida mak chefe governu koalia, situasaun nee hamosu duvidas katak, iha inkapasidade membru governu, tanba menus konesementu i sira rasik lakomprende no labele interpreta PM nia objetivu.

“Situasaun nee mak hatudu iha deklarasaun publika kona ba miskomunikasaun, PM koalia A, Minstra kolia B, Ministru ida koalia C, aat liu tan kuandu husi ministru neebe deklara ema mate ka moras ba vasina simu osan, nee hatudu katak, governu nee halimar ho ema nia vida, halo bisnis ba nia povu,” dehan Hugo Lourenco ba STL liu husi telefone, Kinta (15/07/2021).

Nia akresenta, nee indika katak ita hakarak sai aitonka para okupa kargu no hadau poder, nee hatudu mos katak governu nee lasolidu.

Iha fatin seluk Akademista Universidade Nasional Timor Lorosae (UNTL), Dekanu FCS, Camilo Ximenes Almeida hatete, nia hanoin saída mak sosiedade koalia nee, sira iha razaun, tanba ita haree kuandu iha ministeriu ida partidu A, entaun ema sira neeba mos mesak koor ida deit i too ema neebe mak laos ho partidu hanesan, bele sira hasai maske iha hotu koligasaun nia laran, nunee saída mak sosiedade preokupa los duni.

“Nuudar ema akademiku hahalok Ministru ka SeKretariu Estadu hanesan nee ladun eduka, ita nia ema sira ho diak, tanba partidu apenas instrumentu deit, kuandu governa ona bele fo oportunidades ba ema hotu,” nia tenik.

Nia afirma, partidu neebe lidera ona, tenke fo oportunidade ba ema hotu, klaru funu durante 24 anos lahare partidu nusa agora ukun an ita jere deit ba partidu.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: