Lokraik Halo Teste Swab Ba Deputadu 65 Inklui Funsionariu Iha PN

(Foto: STL/Guilhermina Franco)

DILI, STLNEWS.co – Membru Governu da-8 liu husi Ministru Asuntu Parlamentar no Komunikasaun Sosial (MAPKOMS), Francisco Jeronimo, informa, lokraik Parlamentu Nasional (PN) sei halo teste Swab ba Deputadu 65 inklui ho funsionariu sira neebe halao servisu iha neeba.

“Husu ba Deputadu sira hotu katak, tuku 15:00 lokraik sei halo Swab ba iha Deputada nain 65 ho funsionarius sira hotu neebe iha Parlamentu Nasional,” dehan nia ba STL, iha PN, Dili, Tersa (09/03/2021).

Nia hatete, informa ona ho Prezidente Parlamentu Nasional, Aniceto Guterres Lopes katak tuku 15:00 lokraik Swab nafatin halo.

“Ba sira neebe maka la mai halo Swab ami la obriga, maibe bainhira mai sente buat ruma tenke koOpera,” hakotu nia.*

Reportajen: Domingas Soares/Madalena Horta/Guilhermina Franco
Editora: Carme Ximenes

LEAVE A REPLY

Please enter your comment!
Please enter your name here