Lolos PR Dekreta Ona Kalendariu Eleisaun

DILI, STLNEWS.co – Tuir Vise Prezidente Bankada CNRT, Deputadu Patrocino Fernandes, lolos Prezidente Republika dekreta ona kalendariu Eleisaun Prezidensial, tanba Komisaun Eleisaun Nasional (CNE – sigla portugues) no Sekretariu Tekniku Administrasaun Eleitoral (STAE) presiza servisu fulan tolu. 

Nia hatete, oras nee lolos tempu ona atu dekretu kalendariu, tanba ba orgaun rua hanesan CNE ho STAE, atu halo sira nia servisu ruma relasiona ho eleisaun tenke hein PR dekreta kalendariu.

“Tanba ita hatene katak, PR nia tomada de pose iha fulan Maiu no orgaun rua hanesan STAE ho CNE nee mos minimu sira presiza fulan tolu, atu bele halo servisu konaba prosesu tekniku ba eleisaun nian,” dehan Patrocino Fernandes ba jornalista iha Parlamentu Nasional, Segunda nee (13/9/202).

Nia hatutan, agora iha ona Setembru nia laran tempu besik ona, karik tuir kalendariu haree mos ba tempu tomada de pose PR nian, minimu Marsu tinan 2022, tenke halo Eleisaun Prezidensial ninian para prosesu sira kontajen lao.

Tanba tenke haree mos katak, baibain kandidatu nia hakarak PR eleitu tenke priense kriteria 50 plas, no iha mos tetu ona kalendariu tempu sira hakat ba segunda ronde ba eleisaun nian.

Iha fatin ketak, Prezidente CNE Jose Agostinho da Costa Belo dehan, Timor-Leste nasaun direitu demokratiku, hotu – hotu iha baze mak konstituisaun no lei, tanba nee, kalendariu neebe tuir lei previstu ba lei Eleitoral Prezidensial.

Nia esplika, loron 60 antes tama ba eleisaun nee, PR tenke dekreta data eleisaun, tanba nee husi kalkulu neebe mak iha, prezidente anunsia fulan  Janeiru, Marsu loron 19 hanesan nee Eleisaun Prezidensial, tanba nee mak kalendariu seidauk.*

Reportajen: Blandina Mauno/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: