Lori Foos Ba Sentru Deslokasaun 7

DILI, STLNEWS.co – Ministeriu Administrasaun Estatal (MAE) liu husi autoridade Munisipiu Dili, orienta ona ekipa lori foos ba vitima inundasaun sira iha sentru deslokasaun 7 iha Munisipiu Dili.

Tuir Prezidente Autoridade Interinu Munisipiu Dili, Antonio Clao haktuir, iha semana liu ba MAE orienta kedas kargu xefia sira, liu – liu diretor jeral iha ministeriu refere, nomos iha Munisipiu Dili atu tuun ba halo identifikasaun ba vitima inundasaun sira nia kondisaun real agora.

“Ita tuun ona ba halo servisu, liu – liu konaba dadus familia hira mak iha hela sentru konsentrasaun vitima sira, difikuldade saida mak sira hetan i agora dadauk MAE fo hela orientasaun PAM Interinu Munisipiu Dili, atu organiza ekipa ida atu fo apoiu urjente, depois de halo vizita ita  rona  rekomendasaun ida mak sira hamlaha, entaun ohin kedas ami organiza ekipa ida tuun lori foos ba ita nia sentru deslokadu 7,” tenik Antonio Clao ba jornalista sira iha nia knaar fatin, Kuarta nee (15/09/2021).

Nia hatete, vizita ekipa ba sentru delokadu 7 nee, familia 16 mak voluntariamente hakarak atu fila ba sira nia munisipiu orijinal, nee mos agora dadauk prepara hela oinsa kordena ho instituisaun relevante sira para halo preparasaun ba ida nee.

Iha sorin seluk, Vise Koordenador Kampu Refujiadu Suku Manleuana David Pinto hatete, komunidade afeitadu hamutuk uma kain 48 mak hela iha kampu refijiadu Suku Manleuana, hahu iha fulan Abril mai to’o ohin, sente araska tebes laiha ai-han, maibe pasiensia deit, tanba situasaun mak obriga.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: