Loron Konsulta Popular Ba Dala-22, Presiza Halo Reflesaun

DILI, STLNEWS.co – Padre Evaristo Fernandes hatete, selebra loron konsulta popular (Referendum) ba dala-22, (30 Agustu 1999 – 30 Agustu 2021), presiza halo reflesaun ba rai ida nee.

Nia dehan, loron konsulta popular selebra ba tinan 22, neebe determinante ba ordem, hodi ema hotu – hotu ba, ita hatene katak independensia, ita lasura hanesan grupu no partidu ida nee deit mak luta ba independensia, maibe independensia nee ema hotu – hotu ka Timoroan hotu ninia desizaun votu neebe fo, nee mak hodi determina Timor nia destinu iha loron 30 fulan Agostu.

“Hau hanoin nasaun neebe diak, tenke halo reflesaun ba loron konsulta popular tinan 22, para saida mak ita halo ba rai ida nee, nia dezenvolvimentu no saida mak ita halo ona ba povu ida nee,” hatete Padre Evaristo ba jornalista iha katedral Dili, Tersa (24/08/2021).

Padre nee hatutan, keta halo ba tinan 22 ninia situasaun povu barak terus, pior liu uluk Indonezia nia tempu, ida nee presiza ema sira neebe mak iha knaar importante iha rai ida nee, tenke halo reflesaun, independensia neebe mak povu hotu – hotu nia kontribuisaun ba votu neebe fo, ita uza ho responsabilidade ka lae, hodi lori ben komum ba rai ida nee.

Satan ho situasaun pandemia Covid-19 neebe asalta ka involve mundu inklui rai ida nee, no buka meus neebe diak, atu bele tulun povu ka liberta povu no hasai povu husi terus no susar, ka ho situasaun ida nee haterus liu tan povu.

Maibe oinsa mak atu tur hamutuk hodi halo dialogu, para tau ideia neebe diak ba rai ida nee, dezenvolvimentu no ba futuru neebe diak ba povu ka jerasaun foun sira.

Pe. Evaristo dehan, halo reflesaun hamutuk hodi hateke ba oin no tau Timoroan sira hotu neebe ho kapasidade, para sira bele lori rai no povu ida nee ba oin ka dezenvolvimentu ba povu.

Nia akresenta, loron istoriku neebe mak determina destinu ho votasaun, hodi hili ba independensia, nia hanoin povu hotu – hotu ba halo ona nia diretu ka obrigasaun nuudar sidadaun nian.*

Reportajen: Blandina Mauno

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: