Loron Mundial Feto, Selebra Iha Momentu Krize Covid-19

DILI, STLNEWS.co – Deputada Bankada Fretilin, Josefa Pereira hatete, loron mundial feto neebe selebra iha momentu defisil, tanba pandemia Covid-19. Husu govenu atu valoriza ema hotu nia servisu iha front-line, neebe barak liu feto.

“Ohin ita selebra iha momentu neebe defisil tanba krize Covid-19, husu governu bele valoriza ema hotu servisu iha frontline, neebe barak liu maka feto neebe inklui iha neeba. I sira servisu iha postu neebe inseguru ho fasilidade neebe prekaria tebes, i sira feto tenke hanoin situasaun sira hanesan nee,” dehan nia liu husi plenria iha PN, Segunda (08/03/2021).

Deputada Josefa, hatoo parabens ba maluk feto sira hotu tanba, loron internasional feto nian neebe hetan remidikasaun husi ONU iha 1967 atu feto sira sai husi fenomenu sai husi desizaun no submisaun neebe lalos no la justu.

Nia fairma, maske diretu barak establese ona iha lei no regras, maibe nasaun barak inklui TL sei terus no prekonseitu desvalorizasaun no desrespeitu ba feto iha aspeitu hotu-hotu.

Iha fatin hanesan, Sekretaria Grupu das Mulheres Parlamentares Timor-Leste (GMPTL), Deputada Elvina Souza, hatete komemorasaun loron mundial feto ho tema internasional feto iha lideransa alkansa future neebe igual iha mundu.

“Ohin ita hamutuk selebra loron feto ka selebrasaun loron internasional feto dia 8 Marsu kada tinan, ho objetivu atu enkoraza liu tan partisipasaun ativu feto iha saude, edukasaun kareira profisional no sosiedade iha ita nia rai,” dehan nia.

Nia dehan, iha luta ba libertasaun patria eroina sira ho aten brani kaer kilat no halo servisu klandestina ho mane maluk sira hodi luta hamutuk hodi hasoru inimigu, nee hatudu ba mundu tomak katak, feto Timor mos iha neebe forte ba independensia ba rai doben nee.

Liu husi situasaun nesesional ida nee hatudu katak, kestaun igualidade jeneru importante tebes atu ita tau atensaun feto demostra nia abilidade liu husi konesimentu no kontribuisaun insuftituivel iha nivel desizaun. *

Reportajen: Domingas Soares/ Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here