Loron Mundial Labarik, Branco: Mai Ita Proteje & Valoriza Labarik

DILI, STLNEWS.co – Relasiona loron 01 fulan Junnu, loron mundial ba labarik, Xefi Bankada Fretilin husu atu hotu-hotu proteje no valoriza labarik sira iha Timor Leste, hodi labele husik sira servisu no faan sasan iha dalan-dalan.

Tuir Xefi Bankada Fretilin, Francisco Miranda Branco katak, ohin loron mundial ba labarik sira, tanba labarik importante iha mundu tomak, liu-liu iha Timor Leste. Iha Timor Leste labarik barak liu, maibe depois de ratifika ona tratadus ho konvensaun barak kona ba direitus labarik nian, maibe ladun fo atensaun iha implementasaun.

“Ita haree iha Dili laran triste tebes, labarik sira mak faan sasan iha dalan-dalan, inan aman husik deit, ida nee hau hanoin ita tenke para ona ho asaun ida nee. Tanba tuir lolos inan aman sira mak ba faan, laos uza fali oan sira ba faan. Tanba nee agora tempu ona, ita hotu atu iha konsensia hodi valoriza no tratamentu ita nia oan sira,” katak Branco ba jornalista Tersa (01/06/2021) iha PN.

Tuir los nee oan sira hela iha uma, hodi ba eskola, estuda, maibe husik fali oan sira halao servisu todan hanesan balu bele halo dosi hotu tiha lori ba faan tan.

Nia afirma, hahalok ida haruka oan sira servisu todan no faan sasan nee laos deit viola direitu oan sira, maibe ida nee ladiak tanba husik deit labarik sira lao iha dalan-dalan hodi faan sasan laiha protesaun ba sira.

Entretantu observasaun jornalista STL katak, oras nee dadaun labarik kiik barak mak sei halao negosiu iha fatin-fatin, hanesan iha Munisipiu Dili, labarik idade minoridade halo negosiu hanesan pulsa, manutolun, aifuan sira, inklui modo, neebe leva hodi lao ba mai iha Dili laran.*

Reportajen: Guilhermina Franco/Madalena Horta/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: