DILI, STLNEWS.co – Prezidente Partidu Libertasaun Popular (PLP) atual Primeiru Ministru (PM) Taur Matan Ruak hatete, se kandidatu Prezidente Republika (PR) Lú Olo eleitu servisu hamutuk ho governu hodi fo apoiu ba inan isin rua kada fulan hetan US$ 15 too labarik moris, inan la simu maibe bebe kontinua simu osan fulan ida US$ 20 too idade tinan 6.
Prezidente PLP, Taur hatoo kestaun nee liu husi nia intervensaun ba komisi kampanha kandidatu Lú Olo ba dala 9 iha Tasi Tolu, Dili, Domingu nee (10/04/2022).
Prezidente Partidu Popular Libertasaun Taur Matan Ruak hatete, sei iha programa bolsa da mae ba jerasaun foun sira.
“Joven sira neebe mak harii ona familia, feen ba iha hospital test katak isin rua ona, hahu fulan ida deit fulan fulan simu US$ 15, kuandu labarik moris tiha inan la simu ona maibe oan kada fulan simu US$ 20 too labarik tinan 6,” dehan Prezidente PLP.
Prezidente PLP nee hatutan, dala barak ema dehan ida nee promesa falsu no bosok, nee lae, tanba promesa nee koalia ona iha munisipiu barak no ohin kontinua tan koalia iha Dili.
Kontinua ba Pajian 2
