Lú Olo: Feto Mos Envolve Aan Iha Prosesu Luta Libertasaun TL

DILI, STLNEWS.co – Prezidente Republika Francisco Guterres Lú Olo hatete Feto ou Buibere sira mos involve makaas hamutuk ho mane sira iha luta libertasaun nasional Timor leste.

Prezidente Republika Hatoo kestaun nee liu Husi Diskursu bainhira halo lansamentu ba Livru Buibere Hamriik Ukun rasik aan iha palasiu Prezidente Bairru Pite Kinta 10/06/2021.

“Ita-nia buibere sira hatene duni foti inisiativa, organiza-an ho espíritu kriativu no matenek rasik, hatene mos oinsa lidera knaar oioin neebe dala barak envolve mos mane sira, tuir kbiit ho meiu sira neebe iha, hodi partisipa iha prosesu luta libertasaun Patria iha fente luta hothotu.” Hatete PR Lú Olo.

Nunee, obra nee reflekte importansia papel feto sira-nian iha prosesu tomak luta nian, iha Frente tolu: Armada, Klandestina no Esterna.

Líder istoriku nain lima asosia-an mos ho livru nee tanba sai autor ba prefásiu. Nunee, líder sira nee mos rekoñese no valoriza feto Timoroan sira, nuudar parseiru luta-nain Aleinde Prezidente Republika, prefasiu hakerek mos husi líder istoriku haat tuir mai Senhor Xanana Gusmão, Dr. José Ramos Horta, Señor General Taur Matan Ruak no Dr. Mari Alkatiri. Neebe livru Buibere Hariik Ukun Rasik An iha dimensaun nasional, ho valor sosial, polítiku, istoriku no edukasional as tebes ba jerasaun hotu-hotu.

Xefe Estadu Hatutan Bainhira valoriza feto Timoroan nuudar parseiru luta-nain, mak hasae mos fiar metin ba sira nia potensialidades atu kontinua luta hamutuk hoLibertasaun Povu.

“Hakarak ka lakoi, ohin loron, populasaun feto Timor-Leste, kuaze metade populasaun ita-nian. Nunee, feto sira sai forsa boot ida neebe ita labele hasees. Ho deit feto sira-nia partisipasaun tomak mak ita bele hetan susesu iha prosesu dezenvolvimentu ba hamenus kiak iha ita-nia Rai doben. Ita presiza haree ba feto sira.” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: