Lú Olo Husu Funsionariu Dedikasaun Aas Serbi Sidadaun

DILI, STLNEWS.co – Komemorasaun ba loron Funsaun Publiku ba dala hitu, Prezidente da Republika Francisco Guterres Lú Olo ezije funsionariu atu halao knaar no dedikasaun ba sidadaun sira ho exelencia.

Iha serimonia komemorasaun ba loron funsaun publiku nia Prezidente Republika Francisco Guterres Lú Olo, liu husi diskursu iha salaun CNE, Kinta (15/07/2021) hatete ohin selebra Loron Nasional Funsaun Publika ba dala hitu
Prezidente Republika hatete, tinan ida nee Ministeriu Saude mak hetan responsabilidade husi Komisaun Funsaun Publika hodi organiza selebrasaun ida nee ho nia objetivu jeral hodi kontinua promove knaar Funsaun Publika nian ba dezenvolvimentu funsionariu sira nian hodi halao sira-nia knaar iha instituisaun estadu hodi servi povu ho etika no profisionalismu.

“Situasaun susar ida nee ezije husi funsionarius no ajente publikus dedikasaun no efikasia aas liu baibain nian atu serví nafatin sidadaun sira ho exelensia. Knaar importante ohin loron nian husi ita-nia estadu, no nunee, husi koletivu funsionarius no ajentes, mak halao atividade nesesariu atu ita bele halakon kalamidade saude publika ita hasoru ohin loron, neebe define iha Dekretu Prezidensial no Dekretu sira husi Governu hodi implementa Deklarasaun Estadu Emerjensia husi Prezidente Republika,” dehan Lú Olo liu husi diskursu iha salaun CNE, Kinta (15/07/2021).

Nia dehan, pandemia nee afeta sidadaun hotu-hotu iha mundu tomak no iha Timor Leste. Nunee luta hasoru pandemia nee tenke sai knaar hotu-hotu nian, funsionarius no ajentes publikus nian, no ida-idak nian, nuudar sidadaun Timor Leste, maibe funsionarius no ajentes publikus tenke iha responsabilidade aas liu, tenke sai ezemplu pozitivu. Katak hatene lori mensajen klaru no fundamentadu ba sidadaun sira seluk oinsa ida-idak no komunidade tomak bele hasees-an husi moras Covid-19.

Tema neebe Ministeriu Saude hili ba selebrasaun ida nee mak Ábitu Saudavel no Vasinasaun Hasoru COVID-19, Nuudar Dalan ba Nova Normalidade ba iha Atendimentu Publika. Tema ida nee lori ema atu hanoin ba nesesidade urjente hodi promove abitu no komportamentu sira neebe halo ita moris saudavel.

Durante loron sanulu nia laran, Ministériu Saúde halao atividade barak hodi promove saude no bein-estar funsionariu no ajente sira-nian iha administrasaun publika, hodi bele dedika-an diak liután atu dezempeña sira-nia funsaun ho kualidade, hodi sai hanesan ezemplu ba família sira no ba populasaun en-jerál.

Tema nee bolu atensaun mos ba programa vasinasaun neebe Ministeriu Saude halao dadaun kontra Covid-19 nuudar esforsu boot ida husi Governu Timor-Leste hodi prevene no kontrola moras Covid-19, atu Povu tomak bele fila fali ba moris ‘normal’ ka ‘bainbain’ no hotu hotu bele ajuda halais liutan prosesu hodi haburas dezenvolvimentu sustentavel iha País.

“Hau aproveita okaziaun ida nee hodi hatoo hau nia agradesimentu ba funsionariu no ajente publika sira hotu ba esforsu tomak no empeñu husi ida-idak neebe servisu iha instituisaun sira neebe halo parte Governu no instituisaun autonoma Estadu nian.

Prezidente Republika no sidadaun hotu-hotu sei la haluha imi nia kriatividade, dedikasaun no empeñu tomak iha ita-boot sira-nia knaar loron-loron nian,” nia tenik.

Prezidente Republika hein efisiénsia liu no kualidade liu husi instituisaun publika no autonoma sira no husi funsionariu no ajente publika ida-idak husi ohin ba oin. Hein mos husi funsionariu sira respeitu ba prinsípius legalidade, transparensia no imparsialidade hanesan dalan hotu-hotu nian atu servi diak liután estadu no povu tomak.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: