Lú Olo: Konstituisaun La Hatete Sidadaun Obriga PR Rejigna Aan

Prezidente Republika (PR), Francisco Guterres Lú Olo (Photo: Media PR)

Angela Freitas Ejiji PR Rejigna Aan

DILI, STLNEWS.co – Prezidente Republika Francisco Guterres Lú Olo hatete, maske sidadaun hotu iha direitu no liberdade atu protestu maibe tuir nia dalan, tanba konstituisaun la hatete sidadaun obriga Prezidente atu rejigna aan. Prezidente Republika Francisco Guterres Lú Olo hato’o kestaun ne’e ba jornalista bainhira partisipa Misa Agradesementu Loron Falintil nia ba dala 45, iha Igreja Motael, Kuarta (19/08/2020).

Relasiona ona ho porta-voz Rezistensia Nasional Defende Justisa no Konstituisaun (RNDJK), Angela Freitas, ne’ebé husu Prezidente Republika Francisco Guterres Lú Olo atu rejigna aan, hatan ba kestaun nee PR dehan Konstituisaun lahatete sidadaun obriga Xefe Estadu atu rejigna aan.

“Konstituisaun la hatete dehan katak sidadaun sira ba ejiji, ka obriga fali Prezidente atu rejigna aan husi nia kargu, ida ne’e konstituisaun la hatete. Prezidente ne’e povu mak hili laos grupu ida mak hili, tanba ne’e mak tenke tau tuir konstituisaun, liberdade demokrasia ba ema hotu bele halo, maibe tuir nia dalan” dehan Prezidente Republika Lú Olo.

Xefe Estadu dehan Prezidente Republika ne’e laos hili husi grupu ida ka rua, maibe nee hili husi povu tomak, tanba ne’e mak iha grupu balun bele halo protesta, ne’e demokrasia no liberdade maibe tenke tuir mos konstituisaun.

Kontinua ba pagina 2

LEAVE A REPLY

Please enter your comment!
Please enter your name here