Lú Olo La Senti Mesak Hakat Ba Eleisaun Segundu Ronde

VIKEKE, STLNEWS.co – Kandidatu Prezidente Republika (PR), Francisco Guterres Lú Olo senti ondradu tebes hodi hakat ba eleisaun segundu ronde, tanba la mesak maibe hamutuk ho Partidu PLP, KHUNTO, Os Verdes no seluk tan.

Kandidatu PR Lú Olo hatoo kestaun nee liu husi nia komisi kampanha ba dala 7 ho tipu dialogu ho povu Vikeke iha Salaun Maria Gorete, Sesta nee (08/04/2022).

Nia hatete, haksolok tebes hamutuk ho povu Vikeke, tanba ohin la mai mesak maibe hamutuk ho partidu politiku lubuk ida.

“Hau senti ondradu liu, tanba hau la mai mesak ona, maibe mai hamutuk PLP, KHUNTO, Os Verdes, no partidu politiku ida nee sinal pozitivu hatudu katak, kandidatu prezidente no hau rasik wainhira hakat ba segundu ronde hau nia forsa boot tebes, posibilidade boot hakat ba Palasiu Aitarak Laran ba povu tomak,” dehan Lú Olo.

Nunee mos Diretor Kampanha Jose Manuel Fernandes Nakfilak hatutan, ohin hamutuk fo fileira ida deit hodi fo lo-loos votus ba kandidatu Prezidente Republika Francisco Guterres Lú Olo ba periodu tinan 2022-2027.

Kampanha nee hetan seguransa masimu husi Polisia Nasional Timor Leste Munisipiu (PNTL) Baucau, akompanha mos ho observador nasional no internasional, hanesan Uniaun Europeia, Komisaun Nasional ba Eleisaun (CNE – sigla portugues), Sekretariadu Tékniku ba Administrasaun Eleitoral (STAE) no seluk tan.

(eme)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...