MAE Aprezenta Politika Movimentu Hafoun Aldeia Ba KM

DILI, STLNEWS.co – Konsellu Ministru analiza ona aprezentasaun husi Ministru Administrasaun Estatal (MAE), Miguel Pereira de Carvalho, kona ba opsaun politika lejislativa sira neebe sai hanesan baze ba projetu kona ba Programa Movimentu Hafoun Aldeia (PMOHA).

Porta Voz Governu, Fidelis Leite Magalhãaes, hateten, iha reuniaun Konsellu Ministru nee hetan aprezentasaun husi Ministru Administrasaun Estatal, Miguel Pereira de Carvalho, kona ba opsaun politika lejislativa sira neebe sai hanesan baze ba projetu (PMOHA).

“Programa nee ho objetivu atu fo kbiit ba komunidade atu hadiak sira nia moris, hakbesik dezenvolvimentu ba komunidade, promove partisipasaun ida neebe ativa no voluntaria ba populasaun hodi hasae prestasaun servisu no atu hadiak rendimentu ba interese komun,” dehan Ministru Fidelis hafoin remata enkontru Konsellu Ministru iha Palasiu Governu, Kuarta (03/02/2021).

Nia dehan, hafoin Konsellu Ministru rona tia aprezentasaun nee husi MAE, tempu badak sei submete fali proposta dekretu ba governu.

Tanba nee iha tempu badak nia laran sei aprezenta fila fali politika nee ba Prezidensia Konsellu Ministru, nunee aprezenta ba Konsellu Ministru hodi halo deliberasaun.

Enkuantu iha reuniaun Konsellu Ministru, hetan mos aprezentasaun ida husi Vise Ministru Saude, Bonifacio Maucoli dos Reis kona ba preparativus sira hanesan akizasaun ba vaksin, nomos sistema neebe Timor Leste iha wainhira hakarak avansa ho vaksin moras Covid-19 ba sidadaun sira.

Tanba nee iha semana oin parte Ministeriu Saude sei halo fali aprezentasaun formal ida no husu Konsellu Ministru atu bele delibera kona materias pratika balun.

Reportajen: Alberto Menezes
Editor: Domingas Gomes & Crisogono Magalhães

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: