MAE Fo Konfiansa Ba Prezidente Autoridade Foun Sira

Ministeriu Administrasaun Estatal, fo konfiansa ba ema foun sira mak agora sai administrador ba Munisipiu Lautem, Baucau, no Viqueque, neebe mak iha loron hirak liu ba simu ona tomada de posse husi governu. (Foto: MAE)

DILI, STLNEWS.co – Ministeriu Administrasaun Estatal, fo konfiansa ba ema foun sira mak agora sai administrador ba Munisipiu Lautem, Baucau, no Viqueque, neebe mak iha loron hirak liu ba simu ona tomada de posse husi governu.

Kestaun nee hatoo husi Ministeriu Administrasaun Estatal (MAE) Miguel Pereira de Carvalho ba jornalista iha Palasiu Governu, Kuarta (13/01/2021).

“Governu fo konfiansa ba ema foun sira neebe mak agora sai hanesan Autoridade iha Lautem, Baucau no Viqueque, aban mak fo tomada de posse, hau nia esperansa atu administrador bele ezerse sira nia kompetensaun hanesan reprezentante governu sentral iha nivel munisipiu sira, bele esperansa sira atu bele halo servisu ho diak fo, katak presaun servisu publika iha munisipiu ne bele sufisiente no efikasia ho diak.” hatete MAE.

Nia mos iha esperansa katak, administrador munisipiu sira bele kolabora mais ativu liu tan governu sentral para atu implementa programa governu nia iha nivel munisipiu, postu administrativu, no mos ba suku sira, ida ne mak ninia esperansa para sira mos ezersa sira nia servisu tinan lima tuir mai.

Governante nee hatutan ba eskrita sei halo fin de Janeiru ba Presidente Audoridade Dili, Bobonaru, Ermera, Liquica, no mos Manatuto.*

Reportajen: Ekipa STL

LEAVE A REPLY

Please enter your comment!
Please enter your name here