MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun.

Ministru Administrasaun Estatal (MAE) Miguel Pereira de Carbalho hatete, hahu tinan kotuk, governu sentral realiza selesaun meritu ba Prezidente Munisipiu sira, hodi konkritiza mandatu legal. Prosedimentu espesial meritu Prezidente Autoridade Munisipiu, administradores obedese prinsipiu sira hanesan entidade, meritu, abertura no igualdade generu.

“Hau mos hato’o obrigada ba eleitu Guilhermina, neebe ho korajen konkore iha selesaun meritu ba Prezidente Autoridade Munisipiu Dili, no to’o ikus klasifikada duni iha primeiru lugar, no hetan konfiansa husi governu sentral hodi lidera Munisipiu Dili,” dehan Miguel bainhira fo pose ba Prezidente Autoridade Munispiu Dili, Segunda nee (20/9/2021).

MAE husu ba ema hotu hanoin hikas feto hotu – hotu, neebe kontinua luta ba justisa, igualdade no progresu iha nasaun no manan sira hotu – hotu, atu fo apoiu ba feto maluk sira hodi dezenvolve rai ida nee.

Entretantu, Prezidente Autoridade Munisipiu Dili, Guilhermina Filomena Saldanha Ribeiro hatete, nia kompremete katak, planu ba munispiu saida mak adjuntu hato’o ona ba governu, sei sai prioridade ba Munisipiu Dili nian.

Nia afirma, Dili la hanesan munisipiu seluk, tanba nee kapital nasaun nian, obemente servisu nee tenke koopera, koordena ba hotu – hotu.*

Reportajen: Blandina Mauno/Donaciano Magalhaes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...