MAE Propoin Ona Orsamentu Tokon $2,5 Prepara Transforma Atauro Sai Munipiu Foun

DILI, STLNEWS.co – Ministeriu Administrasaun Estatal (MAE) propoin ona orsamentu tokon $ 2,5 ba Komisaun Revizaun Orsamentu Politika (KROP) hodi prerara funsionamentu Administrador Munisipiu Atauro nian.

“Ba Atauro ami propoin mos orsamentu balun ba iha komisaun revizaun orsamentu por volta tokon $2,5 hanesan nee, nune iha tinan oin Administrador Munisipiu Atauro halo serbisu bazeia ba kompetensia sira neebe mak deskonsentra ona ba munisipiu sira tuir dekretu lei numeru 3/16,” dehan Ministru Administrasaun Estatal (MAE) Miguel Perreira de Carvalho hafoin remata aprezenta tetu OJE 2022 iha Ministeriu Finansas, Aitarak-Laran, Dili, Tersa (07/09/2021).

Governate nee afirma, liu husi preparasaun orsamentu neebe mak MAE preve ona nee, tanba hahu loron 1 fulan Janeiru tinan 2022 governu sei transforma Atauro sai munisipiu ida.

“Legalmenta hahu loron 1 fulan Janeiru tinan 2022 ilha Atauro sei transforma ba Munisipiu Atauro, tanba nee nia administrasaun no funsaun hotu sei hahu iha Janeiru,” dehan nia.

Nia dehan, dadaun nee MAE iha ona planu prioridade ida atu bainhira posivel bele kria fundu espesial dezenvolvimentu ba iha ilha Atauro, nunee bele implementa infraestrutura sira iha neeba liu husi fundu espesial sira neebe mak iha, liu husi lei nu 13/19, artigu 32 lei orsamentu jestaun finanseira.

Molok nee Konsellu Ministru halao sorumutu hodi aprova Projetu Proposta Lei ba alterasaun daruak husi Lei nu 11/2009, loron 7 fulan Outubru konaba divizaun administrativa teritoriu nian, hodi harii Atauro sai hanesan munisipiu ida.

Proposta lei nee propoin husi Ministru Administrasaun Estatal (MAE) Miguel Pereira de Carvalho.

Tuir Ministru Prezidensia Konselu Ministru (MPKM) Fidelis Leite Magalhaes katak, iha reuniaun Konsellu Ministru nee aprova ona projetu dekretu lei ba alterasaun daruak husi lei nu 11/2009 loron fulan 7 Outubru konaba divizaun administrativa teritoriu nian hodi transforma Atauro sai munisipiu ida.

“Proposta ida nee governu aprova ona no sei haruka ba Parlamentu Nasional mak atu hariu Atauro sai munisipiu ida,” dehan Ministru Fidelis hafoin remata enkontru Konsellu Ministru iha Palasiu Governu, Sesta, (19/02/2021).

Fidelis dehan, tuir lei atu harii munisipiu presiza prienxe rekezitus hanesan teritoriu no populasaun, tanba nee maske Atuaro populasaun kiik, maibe tanba espesial sira bele hetan titlu esesional hodi bele harii munisipiu ida. Tanba nee bainhira PN aprova proposta lei nee, mak Timor Leste sei iha munisipiu hamutuk 13 no RAEOA.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: