MAE Propoin Orsamentu Tokon US$ 9,3 Prepara Ba Realiza Eleisaun Prezidensial 2022

DILI, STLNEWS.co – Ministeriu Administrasaun Estatal (MAE) husu tan orsamentu adisional tokon US$ 9,3 husi Orsamentu Jeral Estadu (OJE) tinan 2022 ba Komisaun Revizaun Orsamentu Politika (KROP) hodi prepara realiza eleisaun prezidensial neebe sei realiza iha tinan oin 2022.

“Ministeriiu administrasaun liu husi Servisu Tekniku Administrasaun Eleitoral (STAE) propoin orsamentu hamutuk US$ 9,3 para bele realiza eleisaun prezidensial iha tinan oin 2022, ba primeira volta no segundu volta nian,” Ministru Administrasaun Estatal (MAE) Miguel Perreira de Carvalho hafoin remata aprezenta tetu OJE 2022 iha Ministeriu Finansas, Aitarak-Laran, Dili, Tersa (07/09/2021).

Governante ne afirma, atividade prinsipais neebe STAE sei realiza iha tinan oin mak eleisaun prezidensial, tanba nee iha aprezentasaun nee MAE informa ba komisaun revizaun orsamentu para bele konsidera orsamentu nee iha tinan oin, bele realiza eleisaun prezidensial iha rai laran nomos estranjeiru bele lao ho diak.

Pandemia Covid-19 neebe afeta ba mundu tomak inklui Timor Leste la  impede eleisaun jeral sira neebe sei halao iha rai laran, tanba Comisaun Nasional Eleisoens (CNE – sigla portugues) ho STAE preparadu.

“Ami preparadu mesmu Covid-19, eleisaun prezidensial kontinua lao,” dehan Prezidente CNE, Jose Agostinho Belo ba STL iha knaar fatin CNE Colmera, Segunda (06/09/2021).

Nia informa CNE ho STAE servisu tuir kalendariu, tanba Konstituisaun artigu 2 dehan soberania deside iha povu nia liman no produs lider nasional no orgaun soberanu sira, tenke liu husi dalan eleisaun.

Preparasaun ba eleisaun tuir Jose Belo lao deit kalendariu, tekniku sira iha CNE ho STAE no funsionariu kontinua preparadu. “Ba CNE ho STAE laiha problema ba eleisaun. Ami  preparadu para oinsa servisu makaas tan, hodi hadia metodu ruma, tanba Covid-19 hanesan ema bolu situasaun foun ida,” akresenta Jose Belo.

CNE katak, Jose Belo konsulta ona ho parseiru balun no hetan mos esperiensia barak husi CPLP no nasaun vizinu hanesan Indonezia, tanba eleitoral sai membru orgaun mundial ba eleitoral nian no sai mos membru ba CPLP neebe esperiensia barak.

CNE agora dadaun halo hela padraun sira neebe presiza ba eleisaun, tanba STAE prepara no CNE liu husi edukasaun sivika.

Iha fatin seluk observador politika Camilo Ximenes Almeida hatete, eleisaun prezidensial labele tau kestaun mesmu Covid-19. Prezidente Republika tenke iha vontade diak hodi realiza eventu demokratiku ida nee.

Nuudar Prezidente Republika tenke asegura estabilidade, liu – liu seguransa ba sosiedade, nunee atividade hotu bele lao, maske tenke respeita regra sira neebe estabelese husi Oraganizasaun Mundial Maude (OMS). Ho ida nee mak bele fo solusaun ba eleisaun, nomos rezolve situasaun pandemia neebe ameasa povu tomak nia vida.

Prezidente Republika tuir Camilo, presiza iha vontade para anunsia data eleisaun hodi hatudu ba mundu katak, Timor Leste sai promotor neebe mak diak no demokrasia iha mundu, laiha tan nasaun seluk.

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: