MAE Sei Larekruta Funsionariu Publiku

Ministru Administrasaun Estatal (MAE) Miguel Perreira de Carvalho. (Foto: Espesial)

DILI, STLNEWS.co – Tinan nee governu seidauk iha planu hodi halo rekrutamentu ba funsionariu publiku, maibe halo deit rekrutamentu ba kargu direitores no xefea iha kada Ministeriu.

Kestaun nee hatoo husi Ministru Administrasaun Estatal (MAE), Miguel Pereira de Carvalho ba jornalista, hafoin partisipa iha reuniaun KM, iha Palasiu Governu, Dili, Kuarta (27/01/2020).

“Tinan 2021 governu seidauk iha planu atu halo rekrutamentu ba funsionariu publiku sira, tanba tinan barak ona konjela bebeik planu rekrutamentu,” dehan MAE, Miguel.

Governante nee afirma, iha tinan 2021 governu seidauk iha planu halo rekrutamentu ba funsionariu publiku sira, maibe so iha deit rekrutamentu ba kargu direitores no xefra sira iha kada minesteriu.

“Agora tinan nee so iha deit rekrutamentu ba kargu direitores no Xefea iha kada ministeriu,” nia esplika.

Tanba nee nia dehan, iha tinan 2022 posibilidade governu sei halo rekrutamentu maibe depende ba deliberasaun neebe governu sei halo kontinua diskonjela rekrutamentu ba funsionariu publiku sira.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here