Mane Tenke Konsidera Feto Hanesan Parseiru no Aliadu

DILI – Primeiru Ministru (PM) Rui Maria de Araujo, liu husi komemorasaun loron internasional feto husu ba Mane sira iha Timor Leste (TL), tenke konsidera feto hanesan parseiru no aliadu, atu nune hahu muda paradigm dezigualidade iha sosiadade nia laran.

Relasiona ho komemorasaun loron internasional feto nee PM Rui konsideria feto hanesan parseiru no aliadu entau Xefi governu tun rasik halo kampania tenin hodi hatudu ba mane maluk sira katak la bele kastigu mesak deit feto maka tein, maibe mane mos tenke tein, fase bikan no dasa rai.

Iha eventu nee partisipa husi PM Rui maria de Araujo, Sekertaria Estadu Apoiu promosaun Sosiu Ekonomia ba muiller Veneranda Lemos, Embaixador Australia Mai Timor Leste Peter Doyle, Komuidade Internasional, sosiadade sivil inklui komunidae sira balun.

Timor Leste bele hahu muda pradigma dezigualidade iha ita nia sosiadade nia laran, ita nia sosiadade sei kaer metin dehan mane maka hakat luan, feto hakat klot, nee sala, maibe feto ho mane hakat hanesan tanba mane mos iha ain rua no feto mos hanesan.Mane sira tenke konsideira feto hanesan parseiru no aliadu iha uma laran, iha serbisu fatin no iha sosiadade tomak, ida nee maka importansia husi movimentu Heforshi, ida nee maka husi movimentu mane apoiu feto,”hateten PM Rui, liu husi komemorasaun loron internasional feto, iha Timor Plaza, Dili, sesta (10/03/2017).

Xefi Governu nee haklean tan katak labarik mane sira tenke aprende respeita feto sira uluk, hahu husi uma laran, iha eskola, aprende respeita feto sira hanesan parseiru, laos hare labarik feto sira hanesan ema neebe loro-loron tenke tein ba mane sira.

Iha fatin hanesan Sekertaria Estadu Apoiu promosaun Sosiu Ekonomia ba muiller Veneranda Lemos hateten ohin komemora loron feto internasional hodi tau importansia ba ingualidade jeneiru no tau importansia ba eventu lansamentu kampania Heforshe. Joao Anibal

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...