MAP – AUSAID Lansa Kampania Sensibilizasaun Lakataru

DILI, STLNEWS.co – Ministeriu Agrikultura e Peska (MAP) hamutuk ho Australian Aid (AUSAID), halo lansamentu kampania sensibilizasaun nasional konaba lakataru makerek, tanba povu nia fahi barak mak mate no produsaun barak mak hetan estragus husi ular lakataru.

Liu husi deskursu, Ministru Agrikultura e Peska, Pedro dos Reis hatete, lori ministeriu nia naran hatoo agradese ba governu Australia, liu husi Embaixada Australia iha Timor Leste neebe fo nafatin kooperasaun diak ho MAP iha situsaun pandemia ida nee, hodi halo lansamentu kampania sensibilizasaun nasional konaba lakataru no peste suina Afirikana.

“Ohin ita halo ona lansamentu no fahe mos informasaun ba komunidade sira liu husi media sira, no ita nia esforsu laos too iha nee deit, maibe ita tenke nafatin servisu makas liu tan, hodi halo sensibilizasaun ba ita nia komunidade sira, atu nunee ita labele hetan nafatin ataka ba peste sira nee, mak se ita nia kbiit la too atu halo kampania ba ita nia komunidade tomak, maibe ho apoiu no kooperasaun neebe ita halo ho parseiru sira nee, ita bele rezolve problema balun,” dehan Pedro dos Reis iha Mimisteriu Agrikultura e Peska (MAP), Sesta (07/05/2021).

Ministru nee mos hatoo agradese ba governu Australia nia tulun, bele apoiu no koordena nafatin ho MAP iha situasaun defisil ida nee, tanba liu husi kooperasaun sira nee bele halo esforsu liu tan hodi hasae produsaun aihan iha rai laran, no hasae fali kuantidade hakiak animal iha Timor Leste, tanba peste neebe uluk akontese halo povu nia animal kuaze rihun 30 resin mak mate, no liga ba produsaun aihan kuaze 50% mak peste lakataru han.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...
%d bloggers like this: