DILI, STLNEWS.co – Ministeriu Agrikultuta no Peska (MAP) estabelese ona kolam ikan hamutuk 1200 iha teriroriu nasional, husi total kolam sira nee nakonu ona ho ikan neebe hakiak husi industria peska sira, no lori duni benefisiu ba hakiak nain sira.
“Durante nee ami halo ona esforsu hodi eatabelese kolam ikan nian iha teritoriiu hamutuk 1200 no distribui tan ikan oan ba hakiak nain sira, bainhira sira hakiak too fulan 5 ou 6 ikan nee boot ona, sira tenki kaer hodi lori ba faan iha merkadu hodi hetan netik osan ruma, tanba nee benefisiu ba hakiak nain sira nee iha, tanba sira hakiak no faan, osan halo fali buat seluk,” lia hirak nee husi Diretor Jeral Peska, Acacio Guteres ba STL iha Timor Plaza, Kuarta nee (03/05/2023).
Nia akresenta, kontinuasaun ba oin mak MAP nafatin apoiu industria kiik sira neebe hakarak hakiak ikan, tanba nee governu kria kondisaun hotu-hotu halo diak, fasilita mos fini ikan ba sira, no sira hakiak too boot, balun han hodi hasae nutrisaun diak no balun lori ba faan iha merkadu hodi hetan netik osan ruma, tanba nee ba oin programa ida nee sei kontinua lao nafatin no agora daudaun proposta barak foin tama tan, husu ajuda atu harii kolam ikan ba hakiak nain sira, hafoin ida nee fasilita ikan oan ba, tanba orsamentu ba programa nee liu husi orsamentu transferensia publiku nian, tan nee sei kontinua apoiu hakiak nain sira.
(mad)
