MAP Fahe Fini Ba Agrikultor Covalima

Governu liu husi Ministeriu Agrikultura no Peska (MAP), hahu fahe fini hamutuk tonelada 25 ba povu agrikultor iha Covalima, tanba agora epoka primeiru kuda hare. Kestaun nee fo sai husi Deputadu, Alexandrino Cardoso ba STL, Iha Parlamentu Nasional, Dili, Kuarta (13/01/2021). (Foto: Dekoruma)

DILI, STLNEWS.co – Governu liu husi Ministeriu Agrikultura no Peska (MAP), hahu fahe fini hamutuk tonelada 25 ba povu agrikultor iha Covalima, tanba agora epoka primeiru kuda hare. Kestaun nee fo sai husi Deputadu, Alexandrino Cardoso ba STL, Iha Parlamentu Nasional, Dili, Kuarta (13/01/2021).

”Tuir informasaun neebe iha katak, MAP hahu fahe fini ba povu agrikutor sira, tanba agora tama ona ba epoka primeiru, atu agrikultur sira bele kuda hare ka batar, hanesan iha Covalima MAP aloka ona toneladas 25, maibe agrikultor sira husu nafatin atu MAP fahe kedas ho aimoruk,” dehan Deputadu Alexandrino.

Nia afirma, fini governu fahe ona maibe tenke fahe kedas mos ai moruk, selae maka hare foin moris sae mai ular oan han hotu, tan nee atu asegura ular labele han maka, MAP tenke fahe mos ho fini.

Deputadu nee hatutan batar iha Covalima boot hotu ona, maibe ular hahu tun ba batar nee, halo batar nee sai aat hotu, tanba nee husu ba MAP atu fahe mos aimorus hodi hamate lalais ular nee, selae maka sei afeita ba produsaun agrikultur sira nian.

“Uluk ita hare ema idade deit maka halo natar ho toos, maibe agora joven sira mos hahu iha kreatividade halimar iha natar no toos laran, tanba progrema sesta baziku lori duni benefisiu ba agrikultur sira iha baze,” tenik nia.

Iha fatin hanesan Deputadu Domingos Lemos hatutan, agora tempu udan, tanba nee husu ba governu atu fonese nafatin fini ba povu agrikultur sira iha baze, atu nunee bele hasae produsaun agrikula iha rai laran, no redus produtu importasaun husi rai liur.*

Reportajen: Madalena Horta/Jacinta Sequera
Editora: Carme Ximenes

LEAVE A REPLY

Please enter your comment!
Please enter your name here