MAP-MAE Koalia Funsionamentu Administrasaun Lokal

Ministru Agrikultura no Peska (MAP), Pedro dos Reis. (Foto: Espesial)

DILI, STLNEWS.co – Ministeriu Agrikultura no Peska (MAP), halo enkontru ho Ministeriu Administrasaun Estatal (MAE), hodi koalia kona ba funsionamentu administrasaun lokal do estadu, nomos servisu estensionista sira nian ba futu sei lidera husi auturidade lokal iha Munisipiu, tan liu husi sorumotu ida nee, Ministeriu ida-idak kria planu no orsamentu neebe adekuadu hodi jere servisu iha baze.

Liu husi intervista Ministru Agrikultura no Peska (MAP), Pedro dos Reis hatete, enkontru ida nee importante tebes hodi koalia liu konaba servisu estensionista sira nian iha baze, tanba durante nee estensionista sira hasoru problema barak, liu liu konaba fasilidade servisu.

”Hau hanoin liu husi enkontru entre lina ministerial rua nee atu hadia diak liu tan servisu estensionista sira nia servisu iha baze, tanba liu husi sorumotu ida nee ami mos sei hare ba lei organik no 3/2006 oinsa atu hadia lei nee ho diak atu nunee lebele defikulta servisu estensionista sira nian iha baze,” dehan Ministru MAP, Pedro dos Reis ba jornalista, Iha MAP, Comoro, Dili, Kinta (21/01/2021).

Nia afirma bainhira ema hare ba servisu MAP nian iha progresu, nee tanba esforsu estensionista sira nian iha baze, hamutuk ho povu agrikultur sira, tanba nee servisu estensionista sira nian hanesan save ba prosesu dezenvolvimentu setor agrikultura iha TL.

Iha fatin hanesan Ministru Administrasaun Estatal (MAE) Miguel Pereira de Carvalho hateten, enkontru ida nee MAE halo ho MAP, atu koalia liu konaba funsionamentu autoridade munisipal sira, tanba servisu hotu hotu neebe lao iha Munisipiu lidera ona husi autoridade Minisipiu sira.

“Hau hanoin enkotru ida nee importante tebes atu nunee MAE bele informa ba direzentes hotu iha MAP katak, autoridade munisipiu sira maka sai hanesan dirizente ba atividade hotu neebe lao iha Munisipiu, hanesan estensionista sira, saude, edukasaun e servisu hotu neebe lao iha munisipiu nee, kompetensia ba autoridade munisipiu sira,” dehan Ministru nee.*

Reportajen: Madalena Horta/Jacinta Sequeira
Editor: Carme Ximenes

LEAVE A REPLY

Please enter your comment!
Please enter your name here