MAPKOMS Fo Pose Vogal Konsellu Administrasaun RTTL, E.P.

DILI, STLNEWS.co – Ministru Asuntu Parlamentares no Komunikasaun Sosial (MAPKOMS), Francisco Martins Jeronimo fo posse ba Altide Maria da Costa hodi sai hanesan vogal Konsellu Administrasaun Radio Televizaun Timor-Leste Empreza publika (RTTL, E.P.) ba tinan 2021-2023.

Tuir MAPKOMS, Francisco Martins Jeronimo, katak posse ba Atilde atu sai vogal Konsellu Administrasaun RTTL, E.P. neebe mak sei ba troka matebian João Batista, tanba nee ohin priense fila fali estrutura liuliu Konsellu Administrasaun nunee kompleta ninia membru sira hodi halo serbisu diak liu iha RTTL, E.P.

“Asinasaun hau halo kleur ona maibe foin mak publika iha jornal da republika entaun hau tenke fo pose ona tanba horseik hetan ona publikasaun ohin fo pose ba nia atu nunee nia bele ba hamutuk ho nia maluk sira seluk neebe iha RTTL, atu bele  servisu hamutuk iha konselhu  administrasaun  RTTL,” tenik nia ba jornalista sira hafoin fo pose ba Vogal Konsellu administrasaun RTTL, iha Palasiu Governu, Dili, Kuarta (25/08/2021).

Governante nee iha konfiansa katak Vogal foun sei hamutuk ho Prezidente RTTL, E.P. no membru sira se serbisu ho diak no bele haree hodi deside oinsa mak dezenvolve RTTL tuir ema hotu nia hakarak iha futuru

Iha fatin hanesan, vogal konsellu administrasaun RTTL, E.P. foun Altide Maria da Costa hatete, nia parte prontu atu serbisu hamutuk ho estrutura RTTL, E.P. tomak hodi hadia problema sira neebe iha RTTL, E.P. no bele dezenvolve RTTL, E.P. hodi bele sustenta an rasik iha futuru

“Hau prontu para mai ho Prezidente foun atu serbisu iha RTTL, E.P. tanba RTTL, E.P. iha problema barak neebe ita presiza hadia, nunee nia bele sai governu nia media ida neebe que fo informasaun neebe kredivel ba ita nia populasaun i ita mos bele hadia nia manezamentu para nia bele sai empreza publika ida neebe sai sustenta nia an rasik iha aban bainrua,” nia tenik.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: