MAPKOMS Involve Media Kobertura Kampana Vasinasaun

DILI, STLNEWS.co Ministru Asuntu Parlamentu no Komunikasaun (MAPKOMS), involve hotu media nasional nomos media estatal sira hotu, atu halao kobertura ba kampana vasinasaun husi membru governu hotu iha Timor Leste.

Lia hirak nee hato’o husi Xefe Gabinete MAPKOMS, Ivana Belo ba jornalista sira, hafoin remata enkontru ho diretores media sira iha edifisiu MAPKOMS, Palasiu Governu, Dili, Kuarta nee (29/09/2021).

“Enkontru ohin nee MAPKOMS hamutuk ho sekretariadu vasina husi Gabinete Vise Ministra I Ministra Solidaridade Sosial no Inkluzaun, ami koalia ho media nasional sira, oinsa sira nia involvementu ba iha kampana vasinasaun neebe mak sei halao iha loron 10 nia laran,” tenik nia.

 Nia dehan, husi media nasional no entidade sira hotu atu bele involve iha kampanha vasinasaun, neebe sei halao iha loron 10 oin mai, tanba nee media nia papel nee importante, atu tuun direita mos ba iha baze  hamutuk ho membru governu sira, atu bele enkoraja no motiva  populasaun sira ba iha fatin vasina, atu bele simu vasina.

Nia akresenta, uluk iha membru governu balu deit mak partisipa, tanba ekipa ministerial deit, nee kada membru governu ida, nia bele toma konta munisipiu 2, maibe agora desizaun Konsellu Ministru nian sai ona, membru sei partisipa iha kampana vasinasaun nee, entaun agora iha membru governu kada munisipiu ida iha, membru governu balu nain 2 balu nain 3, ministru ida vise ida ho sekretaria estadu ida, ou ministru ida ho sekretariu estadu 2 mak responsabiliza ba iha kada munisipiu, neebe sira hotu kada membru governu hotu, hahu husi ministru to’o sekretariu estadu tuun hotu ba baze, atu halao kampana iha munisipiu.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...