Maria Lori Loro Matan Maksoin Ba Mundu

DILI, STLNEWS.co – Maria lori loro matan maksoin nian ba mundu, hodi leno ema hotu iha nakukun laran bele haree naroman.

Liafuan nee haktuir husi Amu Parokia Sao Jose Aimutitn, Padre Emanuel Lelo Talok, bainhira prezide misa iha Igreja Aimutin, Kuarta (08/09/2021).

Nia dehan, ohin uma kreda selebra festa Natividade Inan Virjen Maria, selebra festa loron moris Inan Virjen Maria nian.

“Uluk nanain ita hahi uluk Maromak rasik neebe hatudu servisu boot mai ita, liu husi Maria katak ema mos bele hola parte iha knaar salvasaun nian. Maria nia protidaun nee diak tebes monu los ba Maromak futar laran, atan oan maka nee halo tuir ita nia hakarak ba,” tenik nia.

Pe. Emanuel dehan, ba ema seidauk tarde hotu – hotu hola parte iha Nain Feto nia protidaun, tanba Nain Feto neebe hakarak kolabora ho Maromak Aman Oan no Espiritu Santu, atu bele kous no  tuur oan mane ida hanaran Emaneul katak Maromak ho ema, nunee maksoin salvasaun la dook husi ita ema.

“Konsellu Vatikanu segundu nafatin deklara katak, Maria fatin neebe lori loro matan maksoin nian mosu mai, Maria laos loro matan maksoin, maibe fatin neebe mak loro matan maksoin nee mosu mai hodi leno ema hotu – hotu neebe iha nakukun laran atu nunee ema bele haree naroman, bele konese roman Maromak nian,” dehan nia.

Natividade Maria hanesan momentu neebe importante tebes, tanba iha momentu nee mak, hahu knaar maksoin Maromak nia ba ema.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...