Marka Ona Orariu Julgamentu Movel

DILI, STLNEWS.co – Agora dadaun Tribunal marka ona orariu ba iha julgamentu movel neebe sei halao ba iha area juridisaun Ermera, Aileu no Liquiça, maibe hein autoriza husi ofisial sira. Dehan Juiz Administrador Tribunal Distrital Dili, Afonso Carmona ba STL, iha TDD, Kuarta (28/04/2021).

“Iha 2021 nee mosu fali ho serka sanitaria, julgamentu movel la lao tanba atende deit ba kazu urjensia sira, tanba se tribunal movel lao tenke ba iha munisipiu Ermera, Aileu, no mos Liquiça, maibe agora nee ita marka ona orariu, hein deit informasaun mai husi ofisial sira,” dehan Juiz Administrador Tribunal Distrital Dili, Afonso Carmona.

Nia hatutan, orariu ba julgamentu tribunal movel marka nafatin, se iha posibilidade iha serka sanitaria nee fo dalan ba juiz sira ba, taun atividade sira nee bele realiza. Maibe fila fali ba iha regra serka sanitaria, tanba bandu ita atu sai ba munisipiu sira.

Nunee tuir planu neebe iha loron Sesta nee sei realiza julgamentu movel iha munisipiu Ermera, tanba nee sei haruka uluk funsionairu ka ofisial da justisa sira maka ba uluk lori notifikasaun, maka autoriza sira liu maka sira sei fila fali mai fo hatene, atu notifika ba iha prokurador no defeza atu ba halo julgamentu movel.

“Se la autoriza ba, maka tribunal sei muda fali orariu neebe antes nee iha ona. Hodi kontinua hare ba prosesu sira neebe iha Tribunal Distrital Dili nian,” tenik nia.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: