DILI, STLNEWS.co – Maromak husu ema hotu atu fiel iha Nia, iha moris loron-loron laos tanba obrigasaun no kontenti, maibe fuan hatene lo-loos Maromak.
Kestaun nee hatoo husi Padre Richardo Pasang, SVD liu husi nia refleksaun diaria Sabadu nee (18/03/2023) hatete, fiar ba Maromak la defende fiar dala hira, maibe hametin fiar iha Kristu.
“Evidensia fiar ita ema nian la depende ba dala hira ita nia Sakrifiu neebe ita lori ba Maromak ou dala hira ita tuir selebrasaun eukaristia iha Igreja. Maromak hakarak atu ita fiel ba Nia iha ita nia diaria moris. Ema neebe hatene no fiar metin ba Maromak, serteza fiel ba Maromak nia planu no hakarak Maromak nian laos tanba obrigasaun maibe tanba ita sente kontenti/ksolok tanba ita hatene lo-loos Maromak,” Dehan Padre.
Padre hatete Saun Cirilo mak ema nia ezemplu husi Jerusalem. Ninia fidelidade real mak hakaas-an no luta proteje povo Maromak nian husi influensia doutrina Arianismo. Maski Cirilo hetan kastigu hodi lori no izola nia iha fatin isolado ou refusiado, maibe Cirilo metin nafatin iha fiar ba Maromak.
“Saun Cirilo mos fo hanoin ba kristaun sira tomak katak ita tenke lori nafatin Kristu iha ita nia moris lor-loron. Ema neebe fiar signifika katak ema neebe koinese no hatene ita nia-an rasik iha Maromak nia futar oin hanesan publikanu iha Maromak nia futar oin. Nia haraik-an hatoo nia orasaun ba Nai, Nai Maromak, sadia atan hau ema maksalak, Mai ita hotu apriende husi publikanu neebe haraik-an hodi hakribi katak nia ema sala nain iha Maromak nia futar oin hodi husu Maromak haraik Espiritu hametin ita nia fiar iha diaria moris,” katak padre.
Liu husi orasaun bibi atan kreda Katolika nee husu Nain jesus tulun hodi liu husi tempu kuaresma nee bele hetan rahun kmaen.
“Orasaun, Nai, ami sira be halo hanoin daudaun ho ksolok tempo Kuaresma nian, harohan ba Ita, tulun ami hadia-an didiak ba misterio Paskoa atu bele hetan nia rahun kmanek tomak. Amin,” haklake liu husi orasaun. Nunee mos tuir evanjelho loron Sabado 18/03/2023 semana III do tempo kuaresma OS 6 : 1 – 6 LUC 18 : 9 – 14 Nai Jesus Kristu nia Evanjelho tuir Saun Lucas
Iha tempo neeba, Jesus lia tun hodi dehan aiknanoik ida nee ba ema sira neebe hanoin katak sira ema santo, hodi hakribi maluk sira “Mane nain rua sae ba templo atu harohan ida ema fariseu, ida seluk ema publikanu. Fariseu nee hamriik tiha harohan nunee, “Hau nia Maromak, hau fo agradese ba Ita, basa, hau laos hanesan ema sira seluk sira mesak ema naokteen, ema laran foer, ema soe feen kaben nain, hau fo agradese mos tanba hau la hanesan ema publikanu nee! Hau hadera-an semana ida dala rua hau selu osan funan sira hotu, Lia Maksoin.
(eme)
