DILI, STLNEWS.co – Nudar sarani loke fuan ho laran no konfiansa iha Maromak, tanba Maromak hatudu Nia kbiit ba ema sira neebe fiar iha Nia.
Lia fuan murak nee hatoo husi Visi Provinsial Claretiano Indonesia Timor-Leste, Padre Nikolaus Ilan, CMF liu husi omilia ba sarani sira, wainhira prezide misa iha Igreja Aimutin, Kuarta nee (27/04/2022).
Selebrante nee hatete, ema hotu neebe mai tuir misa, liafuan agradese importante tebes, tanba sarani mai hahi, hawelok Maromak ba grasa neebe simu iha ita Nia moris loron-loron.
Selebrante nee esplika, primeira leitura fo hanoin ba sarani sira moris iha liberdade tenki agradese, tanba moris hanesan povu iha nasaun ida moris ho liberdade.
Padre Nikolaus hatete, nudar sarani moris simples komprende katak, nee milagre ida, tanba Maromak hatudu Nia kbiit, beran ba nian ema, dala ruma halo orasaun husu, Nai Maromak hatudu Nia kbiit ba ema sira neebe husu.
Iha evanjelhu São João nian hatete katak, fo sasan ba sarani sira buat kmanek, Maromak Nia hadomi tebes mundu Nia haruka Nia oan mai, haraik salvasaun ba ema, liafuan hanorin ba ema idak-idak, laos ho matenek deit, maibe fiar.
Selebrante liu husi omilia hatete, iha evanjelhu rona konaba fiar, oinsa nudar sarani espresa Maromak Nia domin iha moris loron-loron nian, tanba presiza fiar nunee buka dalan moris iha naroman, moris iha dalan lialos nian.
“Ita agredese nafatin, tanba grasa paskua nian simu halao knaar iha moris loron-loron, knaar neebe uma kreda oferese ba sarani sira, nunee milagre mosu iha apostolu sira nian leet, Maromak rasik hatudu dalan mai ita, nudar sarani mos presiza milagre, maibe milagre mosu iha moris wainhira servisu hamutuk ho Maromak Nia Espiritu,” hatete Pe. Nikolaus.
(joa)
