Maromak La Dukur Ba Nia Ema

DILI, STLNEWS.co – Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne’e presiza fiel ba Maromak.

Tuir Padre Richardo Pasang, SVD ba STL via telefone, Kuarta (20/10/2021) hatete ‘Nós somos apenas servos’ (kita hanyalah hamba) ou so deit atan.

No loron ida ohin, Maromak hakarak atu ema halo reflesaun konaba relasaun entre atan ho nia nain. Ida ne’e importante tanba evanjello ohin loron aprezenta katak relasaun ho Maromak hanesan nain ne’ebe lao dook iha fatin ida no so deit atan, nain iha ninia liberdade atu ba ne’ebe deit no bele fila mai iha tempu ne’ebe nia atan la hanoin kona. Atan diak mak atan ne”ebe badinas, mos, rapidu, hamoos toos ho rapidu maske nia nain sei lao dook ba fatin ida.

Padre Richardo hatutan dala ruma ema sente katak moris hanesan la iha Maromak. Maibe haluha katak Maromak kbiit tomak nain no muito bom/diak tebes. Nia sempre haree no akompanha wainhira deit, iha ne’ebe deit, no saida neebe ema halo.

“Maromak la dukur, Maromak la taka matan, Nia sempre haree saida mak akontese iha ita nia moris. Maibe dala ruma, ita hanoin katak Maromak la hatene buat saida ne’ebe ita halo. Ho frakeza humana ne’ebe ita iha, ita sempre halo sala ba bebeik no la sente katak sala,” katak nia.

Bibi Atan Kreda Katolika ne’e hatutan evanjellu ohin loron, fo hanoin ba ema hotu atu aprende husi atan sira ne’ebe badinas no fiel halao Maromak nia hakarak ou mandamentu. Atan hanesan ne’e mak atan ne’ebe sempre prontu wainhira deit nia nain fila mai hodi hetan nia atan sira halo buat ne’ebe diak no loos.

Tan ne’e, Maromak liu husi nia liafuan sira ohin loron hanorin katak keta halao knaar atu nain haree no gava. Keta halao knaar ou obrigasaun atu ema hahi, maibe halao knaar sira ho konsiensia no responsabilidade. Tanba atan ne’ebe sempre badinas, fiel, no responsabilidade sei la hetan kastigu husi nia nain, maibe atan ne’ebe la badinas, la fiel, no la iha responsabilidade sei hetan kastigu barak. Ne’e duni, matan moris neon nain ba hodi hein Maromak iha moris, hodi halao nia servisu tuir Maromak nia hakarak.

“Orasaun Na’i Jesus Kristu, ita boot akompanha ami iha ami nia moris tomak. Haraik nafatin Ita nia bensaun atu ami sempre sente Ita nia prezensa iha ami nia moris no halao Ita nia hakarak iha ami nia servisu lor-loron. Ami harohan ne’e hodi Na’i Jesus Kristu nia naran hamutuk iha Espiritu Santu, Amin,” Padre Haktuir liu husi Orasaun.

Nunee mos iha loron Kuarta 20 Outubru 2021, Domingo XXIX do tempo komum ROM 6 : 12 – 18 LUCAS 12 : 39 – 48 haktuir Na’i Jesus Kristu nia evanjellu tuir São Lucas.

“Iha tempo ne’eba, Jesus lia tun ba escolante sira nune’e: “Imi rona didiak ba uma nain hatene karik tuku hira mak naokten atu mai, nia sei la husik nia tama iha nia uma. Imi hein hela ba, basa iha oras nebe imi la hanoin kona, oan mane sei hiit an mai”. Pedro dehan ba Nia: “Na’i, ita haktuir aiknanoik ida ne’e mai ami deit, ka ba ema hot-hotu, Nai simu: “Se mak atan diak no matenek ne’ebe uma nain haruka atu haree nia familia hodi fahe aihan ba sira tuir oras loloos? Ksolok ba atan neebe nia nain hetan halo nune’e wainhira nia to’o mai. Tebes, Hau dehan ba imi katak nia sei fo knaar ba atan ne’e atu haree nia rikusoi tomak.” Maibe atan ne’e dehan karik ba nia-an: “Hau nia nai kleur atau to’o mai hafoin baku atan mane no feto sira, hodi han no hemu to’o lanu, nia nai sei to’o mai iha loron ne’ebe nia la hein no iha oras ne’ebe nia la hanoin, Na’i sei fo todan ba nia, hodi tau nia hamutuk ho ema aat sira.

Atan ne’ebe hatene nia nai hakarak, maibe la hadia-an hodi halo tuir buat ne”ebe nia husu, sei hetan kastigu barak. Maibe, atan ne’ebe la hatene, no halo buat ne’ebe soi kastigo, sei hetan kastigo kmaan deit. Ba ema ne’ebe simu barak, sei husu mos barak; no ema ne’ebe simu knaar boot, barak liu mak ema sei husu ba nia. Lia Maksoin.

(eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...