Maromak Maka Domin

DILI, STLNEWS.co – Domin nuudar aman laos ona atan, maibe ita oan Abba aman iha leitura tolu festa santissima trindade aprezenta kona ba maromak neebe koalia ba nia povu, maromak neebe iha domin ba mundu, no maromak neebe tulun ita.

“Sao João dehan, maromak maka domin no liturjia ohin nia konvida ita atu hakmatek oituan no haree oituan ba ita nia aan kmanek neebe maromak halo mai ita, iha primeira leitura mai ita buka no haree atu hanoin husu took ba ita nia aan sei iha tan maromak ida neebe besik ba nia povu, hanesan maromak ema Israel ninia maromak neebe besik ba nia povu, rona povu nia haleriik no maromak neebe mai liberta povu husi ninia eskravidaun, maromak neebe mizerikordiozu laran luak kompaisaun neebe hadomi,” lia fuan murak nee hatoo husi Arcebispu Metropolitana Arquidiocese Dili, Dom Virgilio do Carmo da Silva SDB, liu husi omilia wainhira prezide misa iha Igreja Katedral, Vila Verde, Domingo (30/05/2021).

Bibi Atan nee haktuir, hanesan povu Israelita partikular iha timor mos durante tempu pandemia nee saudades duni kona ba maromak neebe besik, dala barak ita susar simu realidade misa online vertual, ita kestiona kona ba maromak neebe tesi saudades ida neebe maka ita iha, lori iha tempu ida nee.

“Ita nia saudades ba eukaristia tanba nia presenza iha ita nia moris atu fortifika, purifika motiva fo anin mai ita liu-liu iha ita nia nakukun terus no iha susar hanesan povu Israelita, ita mos sente bolu besik ida nee, maromak nee laos distansia maibe maromak neebe besik ba ita bele koalia, ita bele espresa no bele hatudu ita nia sentimentus neebe ita espresa wainhira hakbesik ba ilas nain feto nian no Jesus misericordiozu,” tenik nia.

Maromak iha duni tilun iha fuan atu rona, hadomi hanesan aman ida neebe hakuak ita ema, ita buka maromak, tanba iha nia halo saida nia bele fo sentidu ba ita nia moris, fo sentidu ba ita nia terus, fo sentidu ba ita nia ksolok no fo sentidu buat neebe ita halo, se lae buat l neebe ita halo furak oinsa karik ema maa gava maibe dala runa hanesan folin laek ou iha susar nia laran halo buat ruma maibe dehan buat hotu hau halo ikus mai simu maka kritika deit, folin saida, maibe sei iha duni ho maromak buat neebe ita halo, haree katak iha nia sentidu, folin ida nee mak fo hau saida hau iha hakmatek, fo korajen mai hau atu kontinua halao buat neebe iha ema nia matan folin laek, maibe buat neebe halo diak nee kontinua korajen hau atu bele lao ba oin.

Iha primeira leitura lori ita tama klean atu haree no ita nia amizade pessoal, intimidade besik liu tan ba maromak, segunda leitura oinsa São Paulo mos koko ho firma ida nee hodi dehan imi laos simu espiritu ida neebe atan nian, imi laos simu espiritu neebe hatauk nia, maibe imi simu espiritu ida neebe halo imi sai oan hakiak tan nee maka ita bele dehan Abba espiritu ida nee halo ita tama klean liu tan relasaun ho aman laos deit nuudar atan ida ka objeitu ida maibe nuudar oan ida neebe maromak hadomi, laos maromak ida neebe mai atu fo todan, maibe ida neebe hatudu mai ita identidade.

Dom Virgilio dehan, ohin Jesus revela mai ita identidade neebe los ita maromak laos maromak nebe solitariu laos maromak neebe egoiatika, maibe maromak ida nee komuninaun aman oan no espiritu santu komuniaun uniaun ida nee maka trindade.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...
%d bloggers like this: