Maromak Nia Papel Importante Deside Ema

DILI, STLNEWS.co – Maromak mak papel importante atu deside ema nia moris, no nain deit mak ukun buat hotu.

Kestaun nee hatoo husi Padre Richardo Pasang, SVD liu husi refleksaun, Domingo (13/06/2021) hatete Jesus iha nia aiknanoik ohin loron hakarak esplika ba ba sarani sira kona ba oinsa Reino Maromak iha ema nia leet.

“Maromak mak personagem ho Nia papel importante neebe deside oinsa realizasaun reino tuir Nia hakarak. Nia mak ukun ita mundo tomak laos tuir ema nia hakarak. Ita ema, dala ruma, la komprende Maromak nia servisu neebe “oculto” (tersembunyi) maibe “real”, hanesan fini musan moris neebe nia nain la hatene oinsa nia moris. Maibe, semeador (penabur) serteza hatene katak, saida neebe kari ona, sei koa, ita sei kuu”. Tanba Maromak Grande Semeador, musan neebe kiik liu sei sai boot sai fatin ba Kriatura tomak atu ema bele hamahan-an iha Nia.” hatete Padre.

Padre hatutan Maromak sempre prepara ba Nia Kriatura tomak iha Nia Reino Lalehan. Presidente America ke-39: Jimmy Carter halo visitasaun iha knua ida no hasoru ema agrikultor sira knua ida nee. Iha dialogo ho agrikultor sira, nia hateten: “Ita boot sira certeza servisu makaas tanba nee imi bele produz batar neebe kualidade tebes. Hau admira ho ita boot sira nia servisu. Depois agricultor ida resposta dehan: “Admira ba Maromak, tamba wainhira batar ida nee sei hanesan fini too atu koa, hau nia knaar mak fertilizer e regar (memupuk dan menyiram), maibe knaar atu batar ida nee bele moris diak mak Maromak nia servisu”.

Agricultor nia resposta ida nee halo Jimmy Carter “tocado e percebido” (terharu dan tersadar) katak nia susesu sai oan agrikultor neebe ikus mai sai Presidente mak Maromak nia servisu neebe realiza iha nia moris tomak.

Padre hatutan Evangelho ohin loron, Jesus konfirma katak buat hotu iha mundo no desenvolvimento neebe lao daudaun so bele akontese ho diak tan.ba Maromak nia servisu. Fini musan kiik neebe kuda, la hatene oinsa nia moris boot daudaun. Buat hotu tamba Maromak nia servisu.

“Jesus fo hanoin mai ita sarani sira hotu katak buat hotu neebe ita hetan iha mundo, rikusoin no desenvolvimento sira tamba Maromak nia servisu. Jesus fo hanoin katak buat hotu neebe ita hetan iha ita nia moris hanesan; susesu iha bisnis ruma, susesu iha parte akademiko, susesu iha ita nia servisu; Maromak mak haraik mai ita laos husi ita nia esforsu-an rasik ou husi ita nia-an rasik. Tan nee, Jesus fo hanoin mai ita atu haraik-an, keta halo-an, loko-an ba buat hotu nebe ita hetan maibe Jesus husu ita hatu fo agradese nafatin ba Maromak tanba Maromak mak haraik buat hotu mai ita. Buat hotu neebe ita hetan hanesan grasa Maromak nian neebe husu ita fo agradese ba Maromak.” dehan nia.

Bibi Atan Kreda Katolika nee hatutan leitura ohin loron, husu ema hotu atu haree Maromak nia iniasiativu atu realiza Nia hakarak ba ema hotu neebe nuudar humana haluha atu agradese. Dala ruma, orgulho ba susesu sira neebe hetan hanesan esforsu rasik.

“Primeira leitura, ohin loron fo hanoin katak Maromak realiza Nia hakarak iha “ita nia deslealdade” no hakarak transforma nia povo tanba sai refugiados iha Babilonia. Maromak hakarak halo rekuperasaun ba Nia povo. Paulo esperienta Maromak nia rekuperasaun wainhira nia halao nia misaun. Saun Paulo dehan ba sarani sira iha Corinto konaba “temporario moris iha mundo e eternidade moris hamutuk ho Maromak”. Nee duni, Saun Paulo husu ita hotu atu esforsu atu bele soi hetan moris rohan laek iha Maromak nia futar oin.” tenik nia.

Saun Paulo afirma ida nee hodi dehan katak ema hotu sei mosu iha Kristo nia tribunal oin, atu ida-idak simu nia kolen tuir hahalok diak ou aat neebe halao iha moris isin nian. Tan nee, mai hotu hotu, husu ba Maromak atu haraik Nia Espirito Santo, ba ema idak idak nia fuan hodi rekonhese-an katak buat hotu neebe hetan no hasoru iha moris, mai husi Maromak nia grasa wain.

“Wainhira ita rekonhese nunee, ita sei fo agradese nafatin ba buat hotu nebe ita hetan iha ita nia moris” nia hakotu.*

Reportajen: Emerenciana Pinto
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: