Mate Isin Bispo Basilio Transporta Ona Ba Baucau

DILI, STLNEWS.co – Mate isin Bispo Dioseze Baucau, Dom Basilio do Nascimento, hafoin remata misa requiem ikus iha Igreja Katedral Dili, transporta ona ba Baucau iha loron Segunda nee (01/11/2021).

Iha misa dadersan nee tuku 8.30 OTL hafoin remata misa, mate isin Bispo Basilio lori ba Igreja Katederal Dioseze Baucau iha tuku 10:45 OTL.

Antes lori sai mate isin sai, eskuteiru sira lori sai uluk aifunan tau iha kareta laran, depois mate isin tuir kedas akompanha husi Arce Bispo Metropolitano Dioseze Dili, Dom Virgilio do Carmo da Silva, SDB ho Bispu Dioseze Maliana Dom Norberto Amaral, reprezentante husi Embaixada Vatikanu iha Timor Leste, Mgr. Marco Sprizzi, nomos padre madre inklui sarani sira.

Sarani sira hotu hamrik iha dalan ninin hodi akompanha tuir Maktoban Amo Bispo Dom Basilio nia mate isin, bainhira sai husi Igreja Katedral Dili.

Tuir orariu provizoriu ba Maktoban Dom Basilio katak, husi loron Segunda too Kuarta (03/11/2021) mate isin Amo Bispo Basilio sei tau iha Igreja Katedral Baucau hodi fo oportunidade ba sarani Dioseze Baucau atu hatoo sentimentu tristeza, kondolensia, no homenajen ikus nian ba Bispo Basilio.

Iha loron Kuarta (04/11/2021) halao misa requiem ikus nian iha Igreja Katedral Baucau no haloot mate isin Amo Bispo Basilio.

Bispo Dioseze Baucau, Dom Basilio do Nascimento hakotu iis hodi fila hikas ba Aman Maromak nia kadunan santo iha Hospital Nasional Guido Valadares (HNGV) Dili, Sabadu (30/10/2021).

Bispo Basilio transporta husi Munisipiu Covalima mai Dili ho aviaun atu hetan tratamentu husi mediku sira iha HNGV Dili hodi salva nia vida. Maibe bainhira too iha HNGV Dili, kondisaun saude Amo Bispo Basilio grave ona too hakotu nia iis.*

(blan/joa)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...