Mate Isin Sam Martins Halot Iha Simiteriu Bekusi

DILI, STLNEWS.co – Mate isin fotografu professional Guido Sam Martins alias Samday halot ona iha Simiteriu Bekusi, Bekora, Dili. Serimonia vuneravel mate isin Samday hahu misa ba matebian ne’ebe prezidi hosi Pe. Gregori Minjec iha Kapela Simiteriu Bekusi, Dili, Kuarta (14/07/2021).

Partisipa iha serimonia vuneravel mate isin Samday, aleim de familia, kolegas, amigu, parentes, iha mos fotografu professional Lirio Fonseca, Antonio Dasiparu no kolega sira hosi organizasaun fofografu Timor Leste (TILPO) no sel-seluk tan. Husi Konselhu Imprensa (KI), Expedito Dias Ximenes no membru KI balun,

Eis Ministeriu Interior, Longuinhos Monteiro, Diretur ETO, Nilton Gusmao, Sekretariadu Estadu Seguransa Sivil, Joaoquim Gusmao, Ano Gusmao no sel-seluk neebe partisipa iha serimonia vuneravel mate isin Samday.

Eis Fotografu Ajensia Internasional Associated Press (AP), Guido Sam Martins husik hela mundu hodi fila hikas ba Aman Maromak Nia Kadunan Santu iha Sesta (9/7/2021). Samday mate iha nia hela fatin, Aldeia Haburas, Suku Bairo Pite, Postu Administrativu Dom Aleixio, Munisipiu Dili.

Depois halot mate isin matebian Samday, eis Xefe Aldeia Haburas, Celestinho D.S. Ramos, reprezenta familia hanesan vizhinu matebian Samday, lori familia nia naran hato’o deskulpa, karik durante matebian sei moris hatudu hahalok no komportamentu neebe ladiak no sel-seluk tan.

Nia mos hato’o agradese ba Sekretariu Estadu Seguransa Sivil, Joaquim Gusmao ho nia familia ne’ebe fo apoiu tomak ba prosesu vuneravel mate isin Samday.

Iha fatin hanesan, familia matebian hosi Loes, Liquica, Afonsa hato’o agradese ba vizhinu no kumunidade Aldea Haburas, Surik Mas ne’ebe fo nia apoiu tomak iha proses mate isin iha nia hela fatin to’o halot iha Simiteriu Bekusi, Dili.

Matebian Sam Guido Martins moris iha Ende, Flores, Nusa Tenggara Timur (NTT), 24 Outubru 1956. Nia naran lolos ne’e mak Lay Tjung San no naran Indonesia maka Guido Josef Nday.

Matebian nia inan naran, Go To Moe/Johana Dodo (matebian) hosi Ende no nia aman naran Lay Sie Ting (matebian) hosi Maubara. Matebian nuudar oan dahuluk hosi maun alin nain 9.

Depois serimonia vuneravel mate isin Samday, familia konvida kolegas, amigu, parente jantar hamutuk iha uma matebian, Aldeia Haburas, Suku Bairo Pite, Postu Administivu Dom Aleixo, Munisipiu Dili.*

Reportajen: Mikael Mali Mau
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: