Mate Isin Saudozo Mauhuno Sei Tau Iha Muzeum Rezistensia

DILI, STLNEWS.co – Saudozo José António Gomes da Costa, alias Mauhuno Bulerek Karathayano, sei tau iha Muzeum Resistensia, atu nunee bele konsentra hamutuk deit iha neeba.

Tuir reprezenta familia saudozu Lino de Jesus dehan, hori kalan deside tuir lolos, ohin tuku 2:00 ou tuku 3:00 atu muda ona saudozu nia mate isin ba  iha muzeum, maibe ohin rona fali informasaun katak, mate isin familia sira sei tau tan iha nia rezidensia.

“Aban mak hasai husi matebian nia rezidensia, hodi lori ba tau iha Muzeum Rezistensia, tanba lakohi lori matebian atu ba mai, entaun tau iha Muzeum Rezistensia para ema hotu – hotu konsentra iha neeba deit, depois mak halot mate isin iha jardin dos herois Metinaro,” dehan nia ba jornalista iha rezidensia matebian Mauhuno, Pantai Kelapa, Dili, Sabadu nee (25/09/2021).

Nia tenik, relasiona ho oras atu hasai matebian iha nia rezidensia, atu lori ba iha Muzeum Rezistensia seidauk klaru.

Aleinde nee, familia husi matebian husu, bainhira sai husi Muzeum Rezistensia atu ba Jardin dos Herois Metinaro atu haloot, lori lai saudozu ba iha nia rai moris fatin Laleia, fila mak tama iha jardin dos herois, maibe ida nee seidauk difinitivu.*

Reportajen: Domingas Soares/ Joanina Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...