Matebian Ilaria Mate Laos Tanba Vasina

DILI, STLNEWS.co – Tuir Diretor Servisu Saude Munisipiu Bobonaro, João Baptista Mau Cardoso dehan, matebian ho naran Ilaria de Jesus, idade 73 hela iha Aldeia Olo-olo, Suku Lour, Postu Adiministrativu Bobonaro, neebe hakotu iis horisehik laos mate tanba vasina AstraZeneca, maibe mate depois de vasina.

“Mate depois de vasina nee los, maibe laos mate tanba vasina, nee la loos, tanba nee ekipa tekniku husi Ministeriu da Saude no SIJK sei halo investigasaun klean iha klinika neebe matebian vasina ba nee, atu hatene tuir mate tanba vasina ka lae. Los duni nia mate depois de vasina,” hatete Diretor Servisu Saude Munisipiu Bobonaro, João Baptista Mau Cardoso ba Jornalista STL liu husi telefone, Kinta (01/07/2021).

Nia dehan, prosesu agora matebian sai husi uma ba postu vasinasaun, depois lao ain too uma ran sai husi ibun no inus too matebian iis kotu, ho ida nee familia hirus pesoal saude sira, atu halo agresaun fiziku, maibe familia balun satan netik entaun situasan lao normal fila-fali.

“Famila matebian hirus no atu halo agresaun fiziku ho pesoal saude sira, maibe familia balun husi matebian satan netik entaun situasaun lao normal, depois iha momentu neeba hau ho SIJK too iha fatin neeba, hodi koalia ho familia, neebe hetan konsensu estadu mak apoiu hela kaixaun ba matebian nia familia hodi halo nia funeral,” nia esplika.

Nia esplika, oras nee dadaun ekipa husi Ministeriu Saude no SIJK halo prosesu identifikasaun klean liu tan, oinsa kazu nee lao ba oin, maibe simplesmente tanba nia mate depois de vasina, laos mate tanba vasina.

Iha fatin ketak, fontes konfirmadu dehan, inan feton ida ho idade 73, ho inisial IJ mate depois vasina AstraZeneca, nia laos mate tanba vasina, maibe inan feton nee lao too uma mak foin ran sai husi ibun no inus, depois familia nervoju hodi hasoru ho agresaun fiziku ba pesoal saude sira, maibe la konsege tanba PNTL Bobonaro too kedas iha fatin hodi komunika ho familia matebian.

Nia afirma, grasa de deus familia mos koopera ho estadu prepara hodi prosesu funeral ka halot mate isin tuir tradisaun ho kultura iha neeba nian.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: