DILI, STLNEWS.co – Atual Xefi Suku Metiaut, Mateus Inasio da Costa hatete, eleisaun suku neebe sei realiza iha loron 28 fulan Outubru 2023, nia parte sei re-kandidatu aan.
Nia hatete, Sesta mak foin hatene rezultadu konaba lista kandidatura Xefi Suku nian, maibe lista provizoriu Suku Metiaut nian iha ona ema nain 5.
“Ami iha kandidatura foun, hamutuk ho hau ami nain 5, kompostu husi feto rua no mane 3,” dehan nia ba STL iha Metiaut, Kuarta (11/10/2023).
Nia hatete, sei re-kandidatu fila fali ba periodu 2024-2030 hodi hadia setor turizmu iha Postu Administrativu Cristo Rei, MunisÃpiu Dili.
Tuir nia, kalendariu husi Ministeriu Administrasaun Estatal katak, eleisaun ba orgaun suku sei akontese iha loron 28 Outubru 2023.
Nia akresenta, nia re-kandidatu ba Xefi Suku ho vizaun katak, hakarak hadia setor turizmu komunitariu iha Cristo Rei, tanba Cristo Rei rai potensial tebes.
Entretantu, Suku Metiaut iha aldeia 3 ho total eleitores hamutuk 1.366, no uma kain 1.000 resin.
(mar)
