Mauhuno Ema Ida Pasiensia, Duru No Forte Tebes

DILI, STLNEWS – Prezidente Republika Francisco Guterres Lú Olo hatete, Saudozo Mauhuno ema ida pasiensia, maibe forte tebes – tebes iha rezistensia hasoru okupasaun Indonezia.

Prezidente Republika hato’o kestaun nee, bainhira presta omenajen ikus ba saudozu Mauhuno Bulerek Karathayano iha edifísiu Arquivo e Museu da Resistência Timorense, domingu lokraik (26/09/2021).

“MauHuno ema ida pasiensia la halimar, maibe ida ke duru, forte tebes – tebes, bainhira hamutuk ho ami iha rezistensia armada, nia hatene haraik an,” hatete Lú Olo.

Nia hatete, Timor Leste lakon lider boot ida. Mauhuno Bulerek Karathayano hola parte iha historia luta libertasaun patria, nuudar Fundador ASDT, membru Comite Central FRETILIN (CCF), Chefe Conselho Político Militár Frente Armada, Secretário da Comissão Diretiva da Fretilin, Comandante das FALINTIL, Secretario Região 3, lider ida neebe besik tebes no sai inspira ba foin sa’e klandestina. Maske hasoru situasaun difísil, Mauhuno kontinua hakat ba oin ho determinasaun no korajen hanesan lider.

Bainhira militar Indonezia kaer Komandante Superior da Luta Xanana Gusmão iha 1992, Mauhuno asumi lider rezistensia nian no kontinua funu. Militar Indonezia kaer Mauhuno iha 1993 no hatama ba kadeia. Fizikamente hetan kastigu, maibe nia espíritu nasionalista nian kontinua moris. Bainhira sai husi prizaun kontinua luta ba independensia TL nian.

“Hau lakon kompañeru da luta ida neebe terus hamutuk ho ami, nee triste boot ida.  Ita sente orgullu tanba Mauhuno Bulerek Karathayano konsege duni kumpre nia misaun boot hamutuk ho ami iha ai-laran too libertasaun da patria,” tenik nia.

Jerasaun fundador nasaun nee nian, neebe idak – idak hahu husik mundu. Tanba nee lideransa istoriku sira bele hamutuk hateke ba Timor-Leste nia futuru. Ba oin hotu – hotu halo esforsu, garante tranzisaun seguru, liu – liu relasiona ho saida mak sei entrega ba joven sira, atu kontinua obra rezistensia ninian.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...