MBX Konsidera Deklarasaun Deputada Nelia La Iha Moral

DILI, STLNEWS.co – Liu husi konferensia imprensa portavos Movimentu Brigada Xanana (MBX), konsidera deklarasaun Deputada Nelia Soares Menezes, la iha moral tanba kestiona asaun karitativa neebe halo husi lider nasional Kay Rala Xanana Gusmão hodi fo apoiu ba kbiit laek sira iha tempu impase politika no estadu emerjensia nia laran.

Kestaun nee hatoo husi portavos MBX, Rogerio Manamer da Cruz, ba jornalista sira iha, Centru Brigada Xanana,Tasi Tolu, Dili,Kuarta (21/10/2020).

“Ami konsidera senora deputada Nelia Soares Menezes la iha moral, tanba kestiona asaun karitativa neebe halo husi lider karismatiku Kay Rala Xanana Gusmão, nuudar joven foin sae ida neebe hetan ona konviansa povu atraves husi partidu istoriku Fretilin, tuir lolos hatudu ezemplu ida neebe diak ba povu laos ba tuur iha PN atu insulta fali lider sira,” hatete Rogerio.

Nia haktuir, tanba nee MBX kondena makas deklarasaun husi deputadu Nelia, tanba la hatudu sentidu humanismu, solidariedade ho domin no karidade ba malu, maibe hatudu fali hahalok neebe ladiak liu husi previleizu neebe nia hetan iha uma fukun Parlamentu Nasional.

“Programa no asaun karitativa neebe lider nasional Kay Rala Xanana Gusmão halo laos iha situasaun normal, maibe iha momentu nasaun hotu-hotu iha mundu inklui Timor Leste, hasoru ameasa pandemia Covid-19, tanba nee Maun Boot Kay Rala Xanana Gusmão desidi halo asau karitativa hodi ajuda kbitt laek sira neebe la iha kbiit,” haktuir portavos nee.

Nia katak, deklarasaun neebe deputada nee hatoo iha uma fukun Parlamentu Nasional, MBX konsidera hanesan deklarasaun neebe desakredita no desvaloriza valores istoriku herois sira nian.

“Ami kondena tebe-tebes deklarasaun husi deputada Fretilin, neebe desakredita no desvaloriza valores istoriku herois iara nian, neebe nia aproveita partidu Fretelin hodi hetan poder politika hodi halo insulta ba lider karismatiku Kay Rala Xanana Gusmão,” katak Nia.

MBX apresia no louva ho asaun karitativa neebe lider Karismatiku Maun Boot Kay Rala Xanana Gusmão halo.

“Tanba bele halibur sira neebe iha kbiit ho laran kmanek hatoo sira kontribuisaun hodi tulun maluk sira neebe la iha kbiit, iha tempu pandemia Covid-19,”tenik nia.

Reportajen: Crisogono Magalhães
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...