MD, MNEK Halo Enkontru Ho PR

DILI, STLNEWS.co – Ministru Defeza (MD) Filomeno da Paixão de Jesus ho Ministra Negosiu Estranjeiru No Kooperasaun (MNEK) , Adaljiza Magno halo enkontru ho Prezidente Republika Francisco Guterres Lú Olo hodi relata kooperasaun Timor leste ho nasaun vizinu ba Xefe Estadu.

Bainhira Remata enkontru, Ministru Defeza Filomeno da Paixão de Jesus Ba jornalista iha Rezidensia Prezidente iha Farol, Tersa (11/05/2021, hatete Ministeriu Negosiu Estranjeiru no Kooperasaun ho Defeza servisu hamutuk konaba kooperasun Timor nia ho nasaun vizinu sira tanba nee sira ohin mak informa ba PR konaba lalaok hotu.

“MNEK ho Defeza serbisu hamutuk konaba kooperasaun ho rai barak tanba nee iha tempu ida, ami serbisu mai iha nee ou iha Palasiu Prezidensial informa ba Prezidente sobre lalaok ba iha akordu ka memorandum ba kooperasaun neebe mak agora ita halao dadauk pais sira iha mundu tomak. Ohin ami ho oportunidade nee informa ba senhor Prezidente konaba kooperasaun neebe ita iha ho Australia tantu iha area barak iha area MNEK nia, iha area Defeza nia mak serbisu neebe mak halao hamutuk hanesan imi hatene ona, ohin informa konaba patrolia no konaba ro patrolia neebe ita atu simu iha fim de Outubru 2023,” hatete Ministru Defeza.

Ministru nee hatete, iha hasoru malu ho PR nee koalia mos konaba kooperasaun no akordu neebe mak trata hela oinsa mak halo patroliamentu konjuntu iha kosta Sul. Ministru hatutan nunee konaba portu Hera nee Fahe ba zona 3 no zona B mak Governu Australia atu fo Apoiu hela.

“Konaba portu Hera ita iha kooperasaun ho sira no hanesan ita hatene ona iha portu Hera Fahe ba zona tolu ABC no zona B mak Governu Australia atu fo apoiu ba ita konaba infrastruktura halao iha konstrusaun portu remata iha Fim 2023 atu simu ro patroliamentu” tenik nia.

Iha Enkontru nee, Prezidente Republika Francisco Guterres Lú Olo konkorda ba kooperasaun neebe mak Timor leste halo ho pais barak no pais vizinu Indonezia no Australia neebe iha fronteira maritima ho Timor Leste.

Prezidente Republika mos husu atu halao kooperasaun no serbisu ho nasaun vizinu sira ho didiak nunee relasaun Timor ho nasaun seluk bele lao ba oin ho metin.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: